8.1 (varga 10) verse 1a
mA cidanyad vi shaMsata sakhAyo mA riSaNyata |\\
8.1 (varga 10) verse 1c
indramitstotA vRSaNaM sacA sute muhurukthA ca shaMsata ||\\
8.1 (varga 10) verse 2a
avakrakSiNaM vRSabhaM yathAjuraM gAM na carSaNIsaham |\\
8.1 (varga 10) verse 2c
vidveSaNaM saMvananobhayaMkaraM maMhiSThamubhayAvinam ||\\
8.1 (varga 10) verse 3a
yaccid dhi tvA janA ime nAnA havanta Utaye |\\
8.1 (varga 10) verse 3c
asmAkaM brahmedamindra bhUtu te.aha vishvA ca vardhanam ||\\
8.1 (varga 10) verse 4a
vi tartUryante maghavan vipashcito.aryo vipo janAnAm |\\
8.1 (varga 10) verse 4c
upa kramasva pururUpamA bhara vAjaM nediSThamUtaye ||\\
8.1 (varga 10) verse 5a
mahe cana tvAmadrivaH parA shulkAya deyAm |\\
8.1 (varga 10) verse 5c
na sahasrAyanAyutAya vajrivo na shatAya shatAmagha ||\\
8.1 (varga 11) verse 6a
vasyAnindrAsi me pituruta bhrAturabhuñjataH |\\
8.1 (varga 11) verse 6c
mAtA came chadayathaH samA vaso vasutvanAya rAdhase ||\\
8.1 (varga 11) verse 7a
kveyatha kvedasi purutrA cid dhi te manaH |\\
8.1 (varga 11) verse 7c
alarSi yudhma khajakRt purandara pra gAyatrA agAsiSuH ||\\
8.1 (varga 11) verse 8a
prAsmai gAyatramarcata vAvAturyaH purandaraH |\\
8.1 (varga 11) verse 8c
yAbhiHkANvasyopa barhirAsadaM yAsad vajrI bhinat puraH ||\\
8.1 (varga 11) verse 9a
ye te santi dashagvinaH shatino ye sahasriNaH |\\
8.1 (varga 11) verse 9c
ashvAso yete vRSaNo raghudruvastebhirnastUyamA gahi ||\\
8.1 (varga 11) verse 10a
A tvadya sabardughAM huve gAyatravepasam |\\
8.1 (varga 11) verse 10c
indraM dhenuMsudughAmanyAmiSamurudhArAmaraMkRtam ||\\
8.1 (varga 12) verse 11a
yat tudat sUra etashaM vaN^kU vAtasya parNinA |\\
8.1 (varga 12) verse 11c
vahat kutsamArjuneyaM shatakratuH tsarad gandharvamastRtam ||\\
8.1 (varga 12) verse 12a
ya Rte cidabhishriSaH purA jatrubhya AtRdaH |\\
8.1 (varga 12) verse 12c
sandhAtAsandhiM maghavA purUvasuriSkartA vihrutaM punaH ||\\
8.1 (varga 12) verse 13a
mA bhUma niSTyA ivendra tvadaraNA iva |\\
8.1 (varga 12) verse 13c
vanAni na prajahitAnyadrivo duroSAso amanmahi ||\\
8.1 (varga 12) verse 14a
amanmahIdanAshavo.anugrAsashca vRtrahan |\\
8.1 (varga 12) verse 14c
sakRt su te mahatA shUra rAdhasAnu stomaM mudImahi ||\\
8.1 (varga 12) verse 15a
yadi stomaM mama shravadasmAkamindramindavaH |\\
8.1 (varga 12) verse 15c
tiraH pavitraM sasRvAMsa Ashavo mandantu tugryAvRdhaH ||\\
8.1 (varga 13) verse 16a
A tvadya sadhastutiM vAvAtuH sakhyurA gahi |\\
8.1 (varga 13) verse 16c
upastutirmaghonAM pra tvAvatvadhA te vashmi suSTutim ||\\
8.1 (varga 13) verse 17a
sotA hi somamadribhiremenamapsu dhAvata |\\
8.1 (varga 13) verse 17c
gavyA vastreva vAsayanta in naro nirdhukSan vakSaNAbhyaH ||\\
8.1 (varga 13) verse 18a
adha jmo adha vA divo bRhato rocanAdadhi |\\
8.1 (varga 13) verse 18c
ayA vardhasva tanvA girA mamA jAtA sukrato pRNa ||\\
8.1 (varga 13) verse 19a
indrAya su madintamaM somaM sotA vareNyam |\\
8.1 (varga 13) verse 19c
shakra eNaM pIpayad vishvayA dhiyA hinvAnaM na vAjayum ||\\
8.1 (varga 13) verse 20a
mA tvA somasya galdayA sadA yAcannahaM girA |\\
8.1 (varga 13) verse 20c
bhUrNiM mRgaM na savaneSu cukrudhaM ka IshAnaM na yAciSat ||\\
8.1 (varga 14) verse 21a
madeneSitaM madamugramugreNa shavasA |\\
8.1 (varga 14) verse 21c
vishveSAM tarutAraM madacyutaM made hi SmA dadAti naH ||\\
8.1 (varga 14) verse 22a
shevAre vAryA puru devo martAya dAshuSe |\\
8.1 (varga 14) verse 22c
sa sunvate castuvate ca rAsate vishvagUrto ariSTutaH ||\\
8.1 (varga 14) verse 23a
endra yAhi matsva citreNa deva rAdhasA |\\
8.1 (varga 14) verse 23c
saro na prAsyudaraM sapItibhirA somebhiruru sphiram ||\\
8.1 (varga 14) verse 24a
A tvA sahasramA shataM yuktA rathe hiraNyaye |\\
8.1 (varga 14) verse 24c
brahmayujo haraya indra keshino vahantu somapItaye ||\\
8.1 (varga 14) verse 25a
A tvA rathe hiraNyaye harI mayUrashepyA |\\
8.1 (varga 14) verse 25c
shitipRSThA vahatAM madhvo andhaso vivakSaNasya pItaye ||\\
8.1 (varga 15) verse 26a
pibA tvasya girvaNaH sutasya pUrvapA iva |\\
8.1 (varga 15) verse 26c
pariSkRtasya rasina iyamAsutishcArurmadAya patyate ||\\
8.1 (varga 15) verse 27a
ya eko asti daMsanA mahAnugro abhi vrataiH |\\
8.1 (varga 15) verse 27c
gamat sa shiprI na sa yoSadA gamad dhavaM na pari varjati ||\\
8.1 (varga 15) verse 28a
tvaM puraM cariSNvaM vadhaiH shuSNasya saM piNak |\\
8.1 (varga 15) verse 28c
tvambhA anu caro adha dvitA yadindra havyo bhuvaH ||\\
8.1 (varga 15) verse 29a
mama tvA sUra udite mama madhyandine divaH |\\
8.1 (varga 15) verse 29c
mama prapitveapisharvare vasavA stomAso avRtsata ||\\
8.1 (varga 15) verse 30a
stuhi stuhIdete ghA te maMhiSThAso maghonAm |\\
8.1 (varga 15) verse 30c
ninditAshvaH prapathI paramajyA maghasya medhyAtithe ||\\
8.1 (varga 16) verse 31a
A yadashvAn vananvataH shraddhayAhaM rathe ruham |\\
8.1 (varga 16) verse 31c
utavAmasya vasunashciketati yo asti yAdvaH pashuH ||\\
8.1 (varga 16) verse 32a
ya RjrA mahyaM mAmahe saha tvacA hiraNyayA |\\
8.1 (varga 16) verse 32c
eSa vishvAnyabhyastu saubhagAsaN^gasya svanadrathaH ||\\
8.1 (varga 16) verse 33a
adha plAyogirati dAsadanyAnAsaN^go agne dashabhiH sahasraiH |\\
8.1 (varga 16) verse 33c
adhokSaNo dasha mahyaM rushanto naLA iva saraso niratiSThan ||\\
8.1 (varga 16) verse 34a
anvasya sthUraM dadRshe purastAdanastha UruravarambamANaH |\\
8.1 (varga 16) verse 34c
shashvatI nAryabhicakSyAha subhadramarya bhojanaM bibharSi ||\\
8.2 (varga 17) verse 1a
idaM vaso sutamandhaH pibA supUrNamudaram |\\
8.2 (varga 17) verse 1c
anAbhayin rarimA te ||\\
8.2 (varga 17) verse 2a
nRbhirdhUtaH suto ashnairavyo vAraiH paripUtaH |\\
8.2 (varga 17) verse 2c
ashvona nikto nadISu ||\\
8.2 (varga 17) verse 3a
taM te yavaM yathA gobhiH svAdumakarma shrINantaH |\\
8.2 (varga 17) verse 3c
indra tvAsmin sadhamAde ||\\
8.2 (varga 17) verse 4a
indra it somapA eka indraH sutapA vishvAyuH |\\
8.2 (varga 17) verse 4c
antardevAn martyAMshca ||\\
8.2 (varga 17) verse 5a
na yaM shukro na durAshIrna tRprA uruvyacasam |\\
8.2 (varga 17) verse 5c
apaspRNvate suhArdam ||\\
8.2 (varga 18) verse 6a
gobhiryadImanye asman mRgaM na vrA mRgayante |\\
8.2 (varga 18) verse 6c
abhitsaranti dhenubhiH ||\\
8.2 (varga 18) verse 7a
traya indrasya somAH sutAsaH santu devasya |\\
8.2 (varga 18) verse 7c
sve kSaye sutapAvnaH ||\\
8.2 (varga 18) verse 8a
trayaH koshAsaH shcotanti tisrashcamvaH supUrNAH |\\
8.2 (varga 18) verse 8c
samAne adhi bhArman ||\\
8.2 (varga 18) verse 9a
shucirasi puruniSThAH kSIrairmadhyata AshIrtaH |\\
8.2 (varga 18) verse 9c
dadhnA mandiSThaH shUrasya ||\\
8.2 (varga 18) verse 10a
ime ta indra somAstIvrA asme sutAsaH |\\
8.2 (varga 18) verse 10c
shukrA AshiraMyAcante ||\\
8.2 (varga 19) verse 11a
tAnAshiraM puroLAshamindremaM somaM shrINIhi |\\
8.2 (varga 19) verse 11c
revantaM hi tvA shRNomi ||\\
8.2 (varga 19) verse 12a
hRtsu pItAso yudhyante durmadAso na surAyAm |\\
8.2 (varga 19) verse 12c
Udharna nagnA jarante ||\\
8.2 (varga 19) verse 13a
revAnid revata stotA syAt tvAvato maghonaH |\\
8.2 (varga 19) verse 13c
predu harivaH shrutasya ||\\
8.2 (varga 19) verse 14a
ukthaM cana shasyamAnamagorarirA ciketa |\\
8.2 (varga 19) verse 14c
na gAyatraMgIyamAnam ||\\
8.2 (varga 19) verse 15a
mA na indra pIyatnave mA shardhate parA dAH |\\
8.2 (varga 19) verse 15c
shikSA shacIvaH shacIbhiH ||\\
8.2 (varga 20) verse 16a
vayamu tvA tadidarthA indra tvAyantaH sakhAyaH |\\
8.2 (varga 20) verse 16c
kaNvAukthebhirjarante ||\\
8.2 (varga 20) verse 17a
na ghemanyadA papana vajrinnapaso naviSTau |\\
8.2 (varga 20) verse 17c
tavedu stomaM ciketa ||\\
8.2 (varga 20) verse 18a
ichanti devAH sunvantaM na svapnAya spRhayanti |\\
8.2 (varga 20) verse 18c
yanti pramAdamatandrAH ||\\
8.2 (varga 20) verse 19a
o Su pra yAhi vAjebhirmA hRNIthA abhyasmAn |\\
8.2 (varga 20) verse 19c
mahAniva yuvajAniH ||\\
8.2 (varga 20) verse 20a
mo Svadya durhaNAvAn sAyaM karadAre asmat |\\
8.2 (varga 20) verse 20c
ashrIra iva jAmAtA ||\\
8.2 (varga 21) verse 21a
vidmA hyasya vIrasya bhUridAvarIM sumatim |\\
8.2 (varga 21) verse 21c
triSu jAtasya manAMsi ||\\
8.2 (varga 21) verse 22a
A tU Siñca kaNvamantaM na ghA vidma shavasAnAt |\\
8.2 (varga 21) verse 22c
yashastaraM shatamUteH ||\\
8.2 (varga 21) verse 23a
jyeSThena sotarindrAya somaM vIrAya shakrAya |\\
8.2 (varga 21) verse 23c
bharA piban naryAya ||\\
8.2 (varga 21) verse 24a
yo vediSTho avyathiSvashvAvantaM jaritRbhyaH |\\
8.2 (varga 21) verse 24c
vAjaM stotRbhyo gomantam ||\\
8.2 (varga 21) verse 25a
panyam\-panyamit sotAra A dhAvata madyAya |\\
8.2 (varga 21) verse 25c
somaM vIraya shUraya ||\\
8.2 (varga 22) verse 26a
pAtA vRtrahA sutamA ghA gaman nAre asmat |\\
8.2 (varga 22) verse 26c
ni yamate shatamUtiH ||\\
8.2 (varga 22) verse 27a
eha harI brahmayujA shagmA vakSataH sakhAyam |\\
8.2 (varga 22) verse 27c
gIrbhiHshrutaM girvaNasam ||\\
8.2 (varga 22) verse 28a
svAdavaH somA A yAhi shrItAH somA A yAhi |\\
8.2 (varga 22) verse 28c
shiprinnRSIvaH shacIvo nAyamachA sadhamAdam ||\\
8.2 (varga 22) verse 29a
stutashca yAstvA vardhanti mahe rAdhase nRmNAya |\\
8.2 (varga 22) verse 29c
indrakAriNaM vRdhantaH ||\\
8.2 (varga 22) verse 30a
girashca yAste girvAha ukthA ca tubhyaM tAni |\\
8.2 (varga 22) verse 30c
satrA dadhire shavAMsi ||\\
8.2 (varga 23) verse 31a
evedeSa tuvikUrmirvAjAneko vajrahastaH |\\
8.2 (varga 23) verse 31c
sanadamRktodayate ||\\
8.2 (varga 23) verse 32a
hanta vRtraM dakSiNenendraH puru puruhUtaH |\\
8.2 (varga 23) verse 32c
mahAn mahIbhiH shacibhiH ||\\
8.2 (varga 23) verse 33a
yasmin vishvAshcarSaNaya uta cyautnA jrayAMsi ca |\\
8.2 (varga 23) verse 33c
anu ghen mandI maghonaH ||\\
8.2 (varga 23) verse 34a
eSa etAni cakArendro vishvA yo.ati shRNve |\\
8.2 (varga 23) verse 34c
vAjadAvA maghonAm ||\\
8.2 (varga 23) verse 35a
prabhartA rathaM gavyantamapAkaccid yamavati |\\
8.2 (varga 23) verse 35c
ino vasusa hi voLhA ||\\
8.2 (varga 24) verse 36a
sanitA vipro arvadbhirhantA vRtraM nRbhiH shUraH |\\
8.2 (varga 24) verse 36c
satyo.avitA vidhantam ||\\
8.2 (varga 24) verse 37a
yajadhvainaM priyamedhA indraM satrAcA manasA |\\
8.2 (varga 24) verse 37c
yo bhUt somaiH satyamadvA ||\\
8.2 (varga 24) verse 38a
gAthashravasaM satpatiM shravaskAmaM purutmAnam |\\
8.2 (varga 24) verse 38c
kaNvAsogAta vAjinam ||\\
8.2 (varga 24) verse 39a
ya Rte cid gAs padebhyo dAt sakhA nRbhyaH shacIvAn |\\
8.2 (varga 24) verse 39c
yeasmin kAmamashriyan ||\\
8.2 (varga 24) verse 40a
itthA dhIvantamadrivaH kANvaM medhyAtithim |\\
8.2 (varga 24) verse 40c
meSo bhUto'bhi yannayaH ||\\
8.2 (varga 24) verse 41a
shikSA vibhindo asmai catvAryayutA dadat |\\
8.2 (varga 24) verse 41c
aSTA paraH sahasrA ||\\
8.2 (varga 24) verse 42a
uta su tye payovRdhA mAkI raNasya naptyA |\\
8.2 (varga 24) verse 42c
janitvanAya mAmahe ||\\
8.3 (varga 25) verse 1a
pibA sutasya rasino matsvA na indra gomataH |\\
8.3 (varga 25) verse 1c
Apirno bodhisadhamAdyo vRdhe.asmAnavantu te dhiyaH ||\\
8.3 (varga 25) verse 2a
bhUyAma te sumatau vAjino vayaM mA na starabhimAtaye |\\
8.3 (varga 25) verse 2c
asmAñcitrAbhiravatAdabhiSTibhirA naH sumneSu yAmaya ||\\
8.3 (varga 25) verse 3a
imA u tvA purUvaso giro vardhantu yA mama |\\
8.3 (varga 25) verse 3c
pAvakavarNAHshucayo vipashcito.abhi stomairanUSata ||\\
8.3 (varga 25) verse 4a
ayaM sahasraM RSibhiH sahaskRtaH samudra iva paprathe |\\
8.3 (varga 25) verse 4c
satyaH so asya mahimA gRNe shavo yajñeSu viprarAjye ||\\
8.3 (varga 25) verse 5a
indramid devatAtaya indraM prayatyadhvare |\\
8.3 (varga 25) verse 5c
indraM samIkevanino havAmaha indraM dhanasya sAtaye ||\\
8.3 (varga 26) verse 6a
indro mahnA rodasI paprathacchava indraH sUryamarocayat |\\
8.3 (varga 26) verse 6c
indre ha vishvA bhuvanAni yemira indre suvAnAsa indavaH ||\\
8.3 (varga 26) verse 7a
abhi tvA pUrvapItaya indra stomebhirAyavaH |\\
8.3 (varga 26) verse 7c
samIcInAsaRbhavaH samasvaran rudrA gRnanta pUrvyam ||\\
8.3 (varga 26) verse 8a
asyedindro vAvRdhe vRSNyaM shavo made sutasya viSNavi |\\
8.3 (varga 26) verse 8c
adyA tamasya mahimAnamAyavo.anu STuvanti pUrvathA ||\\
8.3 (varga 26) verse 9a
tat tvA yAmi suvIryaM tad brahma pUrvacittaye |\\
8.3 (varga 26) verse 9c
yenA yatibhyo bhRgave dhane hite yena praskaNvamAvitha ||\\
8.3 (varga 26) verse 10a
yenA samudramasRjo mahIrapastadindra vRSNi te shavaH |\\
8.3 (varga 26) verse 10c
sadyaH so asya mahimA na saMnashe yaM kSoNIranucakrade ||\\
8.3 (varga 27) verse 11a
shagdhI na indra yat tvA rayiM yAmi suvIryam |\\
8.3 (varga 27) verse 11c
shagdhi vAjAya prathamaM siSAsate shagdhi stomAya pUrvya ||\\
8.3 (varga 27) verse 12a
shagdhI no asya yad dha pauramAvitha dhiya indra siSAsataH |\\
8.3 (varga 27) verse 12c
shagdhi yathA rushamaM shyAvakaM kRpamindra prAvaH svarNaram ||\\
8.3 (varga 27) verse 13a
kan navyo atasInAM turo gRNIta martyaH |\\
8.3 (varga 27) verse 13c
nahI nvasya mahimAnamindriyaM svargRNanta AnashuH ||\\
8.3 (varga 27) verse 14a
kadu stuvanta Rtayanta devata RSiH ko vipra ohate |\\
8.3 (varga 27) verse 14c
kadA havaM maghavannindra sunvataH kadu stuvata A gamaH ||\\
8.3 (varga 27) verse 15a
udu tye madhumattamA gira stomAsa Irate |\\
8.3 (varga 27) verse 15c
satrAjito dhanasA akSitotayo vAjayanto rathA iva ||\\
8.3 (varga 28) verse 16a
kaNvA iva bhRgavaH sUryA iva vishvamid dhItamAnashuH |\\
8.3 (varga 28) verse 16c
indraM stomebhirmahayanta AyavaH priyamedhAso asvaran ||\\
8.3 (varga 28) verse 17a
yukSvA hi vRtrahantama harI indra parAvataH |\\
8.3 (varga 28) verse 17c
arvAcIno maghavan somapItaya ugra RSvebhirA gahi ||\\
8.3 (varga 28) verse 18a
ime hi te kAravo vAvashurdhiyA viprAso medhasAtaye |\\
8.3 (varga 28) verse 18c
satvaM no maghavannindra girvaNo veno na shRNudhI havam ||\\
8.3 (varga 28) verse 19a
nirindra bRhatIbhyo vRtraM dhanubhyo asphuraH |\\
8.3 (varga 28) verse 19c
nirarbudasya mRgayasya mAyino niH parvatasya gA AjaH ||\\
8.3 (varga 28) verse 20a
niragnayo rurucurniru sUryo niH soma indriyo rasaH |\\
8.3 (varga 28) verse 20c
nirantarikSAdadhamo mahAmahiM kRSe tadindra pauMsyam ||\\
8.3 (varga 29) verse 21a
yaM me durindro marutaH pAkasthAmA kaurayANaH |\\
8.3 (varga 29) verse 21c
vishveSAM tmanA shobhiSThamupeva divi dhAvamAnam ||\\
8.3 (varga 29) verse 22a
rohitaM me pAkasthAmA sudhuraM kakSyaprAm |\\
8.3 (varga 29) verse 22c
adAd rAyo vibodhanam ||\\
8.3 (varga 29) verse 23a
yasmA anye dasha prati dhuraM vahanti vahnayaH |\\
8.3 (varga 29) verse 23c
astaM vayo na tugryam ||\\
8.3 (varga 29) verse 24a
AtmA pitustanUrvAsa ojodA abhyañjanam |\\
8.3 (varga 29) verse 24c
turIyamid rohitasya pAkasthAmAnaM bhojaM dAtAramabravam ||\\
8.4 (varga 30) verse 1a
yadindra prAgapAgudaM nyag vA hUyase nRbhiH |\\
8.4 (varga 30) verse 1c
simA purU nRSUto asyAnave.asi prashardha turvashe ||\\
8.4 (varga 30) verse 2a
yad vA rume rushame shyAvake kRpa indra mAdayase sacA |\\
8.4 (varga 30) verse 2c
kaNvAsastvA brahmabhi stomavAhasa indrA yachantyA gahi ||\\
8.4 (varga 30) verse 3a
yathA gauro apA kRtaM tRSyannetyaveriNam |\\
8.4 (varga 30) verse 3c
Apitve naH prapitve tUyamA gahi kaNveSu su sacA piba ||\\
8.4 (varga 30) verse 4a
mandantu tvA maghavannindrendavo rAdhodeyAya sunvate |\\
8.4 (varga 30) verse 4c
AmuSyA somamapibashcamU sutaM jyeSThaM tad dadhiSe sahaH ||\\
8.4 (varga 30) verse 5a
pra cakre sahasA saho babhañja manyumojasA |\\
8.4 (varga 30) verse 5c
vishve ta indra pRtanAyavo yaho ni vRkSA iva yemire ||\\
8.4 (varga 31) verse 6a
sahasreNeva sacate yavIyudhA yasta AnaL upastutiM putraM prAvargaM kRNute suvIrye dAshnoti namauktibhiH ||\\
8.4 (varga 31) verse 7a
mA bhema mA shramiSmograsya sakhye tava |\\
8.4 (varga 31) verse 7c
mahat te vRSNo abhicakSyaM kRtaM pashyema turvashaM yadum ||\\
8.4 (varga 31) verse 8a
savyAmanu sphigyaM vAvase vRSA na dAno asya roSati |\\
8.4 (varga 31) verse 8c
madhvA sampRktAH sAragheNa dhenavastUyamehi dravA piba ||\\
8.4 (varga 31) verse 9a
ashvI rathI surUpa id gomAnidindra te sakhA |\\
8.4 (varga 31) verse 9c
shvAtrabhajA vayasA sacate sadA candro yAti sabhAmupa ||\\
8.4 (varga 31) verse 10a
Rshyo na tRSyannavapAnamA gahi pibA somaM vashAnanu |\\
8.4 (varga 31) verse 10c
nimeghamAno maghavan dive\-diva ojiSThaM dadhiSe sahaH ||\\
8.4 (varga 32) verse 11a
adhvaryo drAvayA tvaM somamindraH pipAsati |\\
8.4 (varga 32) verse 11c
upa nUnaMyuyuje vRSaNA harI A ca jagAma vRtrahA ||\\
8.4 (varga 32) verse 12a
svayaM cit sa manyate dAshurirjano yatrA somasya tRmpasi |\\
8.4 (varga 32) verse 12c
idaM te annaM yujyaM samukSitaM tasyehi pra dravA piba ||\\
8.4 (varga 32) verse 13a
ratheSThAyAdhvaryavaH somamindrAya sotana |\\
8.4 (varga 32) verse 13c
adhi bradhnasyAdrayo vi cakSate sunvanto dAshvadhvaram ||\\
8.4 (varga 32) verse 14a
upa bradhnaM vAvAtA vRSaNA harI indramapasu vakSataH |\\
8.4 (varga 32) verse 14c
arvAñcaM tvA saptayo.adhvarashriyo vahantu savanedupa ||\\
8.4 (varga 32) verse 15a
pra pUSaNaM vRNImahe yujyAya purUvasum |\\
8.4 (varga 32) verse 15c
sa shakra shikSa puruhUta no dhiyA tuje rAye vimocana ||\\
8.4 (varga 33) verse 16a
saM naH shishIhi bhurijoriva kSuraM rAsva rAyo vimocana |\\
8.4 (varga 33) verse 16c
tve tan naH suvedamusriyaM vasu yaM tvaM hinoSi martyam ||\\
8.4 (varga 33) verse 17a
vemi tvA pUSannRñjase vemi stotava AghRNe |\\
8.4 (varga 33) verse 17c
na tasya vemyaraNaM hi tad vaso stuSe pajrAya sAmne ||\\
8.4 (varga 33) verse 18a
parA gAvo yavasaM kaccidAghRNe nityaM rekNo amartya |\\
8.4 (varga 33) verse 18c
asmAkaM pUSannavitA shivo bhava maMhiSTho vAjasAtaye ||\\
8.4 (varga 33) verse 19a
sthUraM rAdhaH shatAshvaM kuruN^gasya diviSTiSu |\\
8.4 (varga 33) verse 19c
rAjñastveSasya subhagasya rAtiSu turvasheSvamanmahi ||\\
8.4 (varga 33) verse 20a
dhIbhiH sAtAni kANvasya vAjinaH priyamedhairabhidyubhiH |\\
8.4 (varga 33) verse 20c
SaSTiM sahasrAnu nirmajAmaje niryUthAni gavAM RSiH ||\\
8.4 (varga 33) verse 21a
vRkSAshcin me abhipitve arAraNuH |\\
8.4 (varga 33) verse 21c
gAM bhajanta mehanAshvaM bhajanta mehana ||\\
8.5 (varga 1) verse 1a
dUrAdiheva yat satyaruNapsurashishvitat |\\
8.5 (varga 1) verse 1c
vi bhAnuM vishvadhAtanat ||\\
8.5 (varga 1) verse 2a
nRvad dasrA manoyujA rathena pRthupAjasA |\\
8.5 (varga 1) verse 2c
sacethe ashvinoSasam ||\\
8.5 (varga 1) verse 3a
yuvAbhyAM vAjinIvasU prati stoma adRkSata |\\
8.5 (varga 1) verse 3c
vAcaM dUtoyathohiSe ||\\
8.5 (varga 1) verse 4a
purupriyA Na Utaye purumandrA purUvasU |\\
8.5 (varga 1) verse 4c
stuSe kaNvAsoashvinA ||\\
8.5 (varga 1) verse 5a
maMhiSThA vAjasAtameSayantA shubhas patI |\\
8.5 (varga 1) verse 5c
gantArA dAshuSo gRham ||\\
8.5 (varga 2) verse 6a
tA sudevAya dAshuSe sumedhAmavitAriNIm |\\
8.5 (varga 2) verse 6c
ghRtairgavyUtimukSatam ||\\
8.5 (varga 2) verse 7a
A na stomamupa dravat tUyaM shyenebhirAshubhiH |\\
8.5 (varga 2) verse 7c
yAtamashvebhirashvinA ||\\
8.5 (varga 2) verse 8a
yebhistisraH parAvato divo vishvAni rocanA |\\
8.5 (varga 2) verse 8c
trInraktUn paridIyathaH ||\\
8.5 (varga 2) verse 9a
uta no gomatIriSa uta sAtIraharvidA |\\
8.5 (varga 2) verse 9c
vi pathaH sAtaye sitam ||\\
8.5 (varga 2) verse 10a
A no gomantamashvinA suvIraM surathaM rayim |\\
8.5 (varga 2) verse 10c
voLhamashvAvatIriSaH ||\\
8.5 (varga 3) verse 11a
vAvRdhAnA shubhas patI dasrA hiraNyavartanI |\\
8.5 (varga 3) verse 11c
pibataM somyaM madhu ||\\
8.5 (varga 3) verse 12a
asmabhyaM vAjinIvasU maghavadbhyashca saprathaH |\\
8.5 (varga 3) verse 12c
chardiryantamadAbhyam ||\\
8.5 (varga 3) verse 13a
ni Su brahma janAnAM yAviSTaM tUyamA gatam |\\
8.5 (varga 3) verse 13c
mo SvanyAnupAratam ||\\
8.5 (varga 3) verse 14a
asya pibatamashvinA yuvaM madasya cAruNaH |\\
8.5 (varga 3) verse 14c
madhvo rAtasyadhiSNyA ||\\
8.5 (varga 3) verse 15a
asme A vahataM rayiM shatavantaM sahasriNam |\\
8.5 (varga 3) verse 15c
purukSuM vishvadhAyasam ||\\
8.5 (varga 4) verse 16a
purutrA cid dhi vAM narA vihvayante manISiNaH |\\
8.5 (varga 4) verse 16c
vAghadbhirashvinA gatam ||\\
8.5 (varga 4) verse 17a
janAso vRktabarhiSo haviSmanto araMkRtaH |\\
8.5 (varga 4) verse 17c
yuvAM havante ashvinA ||\\
8.5 (varga 4) verse 18a
asmAkamadya vAmayaM stomo vAhiSTho antamaH |\\
8.5 (varga 4) verse 18c
yuvAbhyAM bhUtvashvinA ||\\
8.5 (varga 4) verse 19a
yo ha vAM madhuno dRtirAhito rathacarSaNe |\\
8.5 (varga 4) verse 19c
tataH pibatamashvinA ||\\
8.5 (varga 4) verse 20a
tena no vAjinIvasU pashve tokAya shaM gave |\\
8.5 (varga 4) verse 20c
vahataM pIvarIriSaH ||\\
8.5 (varga 5) verse 21a
uta no divyA iSa uta sindhUnraharvidA |\\
8.5 (varga 5) verse 21c
apa dvAreva varSathaH ||\\
8.5 (varga 5) verse 22a
kadA vAM taugryo vidhat samudre jahito narA |\\
8.5 (varga 5) verse 22c
yad vAM ratho vibhiS patAt ||\\
8.5 (varga 5) verse 23a
yuvaM kaNvAya nAsatyApiriptAya harmye |\\
8.5 (varga 5) verse 23c
shashvadUtIrdashasyathaH ||\\
8.5 (varga 5) verse 24a
tAbhirA yAtamUtibhirnavyasIbhiH sushastibhiH |\\
8.5 (varga 5) verse 24c
yad vAM vRSaNvasU huve ||\\
8.5 (varga 5) verse 25a
yathA cit kaNvamAvataM priyamedhamupastutam |\\
8.5 (varga 5) verse 25c
atriM shiñjAramashvinA ||\\
8.5 (varga 6) verse 26a
yathota kRtvye dhane.aMshuM goSvagastyam |\\
8.5 (varga 6) verse 26c
yathA vAjeSu sobharim ||\\
8.5 (varga 6) verse 27a
etAvad vAM vRSaNvasU ato vA bhUyo ashvinA |\\
8.5 (varga 6) verse 27c
gRNantaH sumnamImahe ||\\
8.5 (varga 6) verse 28a
rathaM hiraNyavandhuraM hiraNyAbhIshumashvinA |\\
8.5 (varga 6) verse 28c
A hi sthAtho divispRsham ||\\
8.5 (varga 6) verse 29a
hiraNyayI vAM rabhirISA akSo hiraNyayaH |\\
8.5 (varga 6) verse 29c
ubhA cakrA hiraNyayA ||\\
8.5 (varga 6) verse 30a
tena no vAjinIvasU parAvatashcidA gatam |\\
8.5 (varga 6) verse 30c
upemAM suSTutiM mama ||\\
8.5 (varga 7) verse 31a
A vahethe parAkAt pUrvIrashnantAvashvinA |\\
8.5 (varga 7) verse 31c
iSo dAsIramartyA ||\\
8.5 (varga 7) verse 32a
A no dyumnairA shravobhirA rAyA yAtamashvinA |\\
8.5 (varga 7) verse 32c
purushcandrA nAsatyA ||\\
8.5 (varga 7) verse 33a
eha vAM pruSitapsavo vayo vahantu parNinaH |\\
8.5 (varga 7) verse 33c
achA svadhvaraM janam ||\\
8.5 (varga 7) verse 34a
rathaM vAmanugAyasaM ya iSA vartate saha |\\
8.5 (varga 7) verse 34c
na cakramabhi bAdhate ||\\
8.5 (varga 7) verse 35a
hiraNyayena rathena dravatpANibhirashvaiH |\\
8.5 (varga 7) verse 35c
dhIjavanA nAsatyA ||\\
8.5 (varga 8) verse 36a
yuvaM mRgaM jAgRvAMsaM svadatho vA vRSaNvasU |\\
8.5 (varga 8) verse 36c
tA naHpRN^ktamiSA rayim ||\\
8.5 (varga 8) verse 37a
tA me ashvinA sanInAM vidyAtaM navAnAm |\\
8.5 (varga 8) verse 37c
yathA ciccaidyaH kashuH shatamuSTrAnAM dadat sahasrA dasha gonAm ||\\
8.5 (varga 8) verse 38a
yo me hiraNyasandRsho dasha rAjño amaMhata |\\
8.5 (varga 8) verse 38c
adhaspadA iccaidyasya kRSTayashcarmamnA abhito janAH ||\\
8.5 (varga 8) verse 39a
mAkirenA pathA gAd yeneme yanti cedayaH |\\
8.5 (varga 8) verse 39c
anyo net sUrirohate bhUridAvattaro janaH ||\\
8.6 (varga 9) verse 1a
mahAnindro ya ojasA parjanyo vRSTimAniva |\\
8.6 (varga 9) verse 1c
stomairvatsasya vAvRdhe ||\\
8.6 (varga 9) verse 2a
prajAM Rtasya piprataH pra yad bharanta vahnayaH |\\
8.6 (varga 9) verse 2c
viprA Rtasya vAhasA ||\\
8.6 (varga 9) verse 3a
kaNvA indraM yadakrata stomairyajñasya sAdhanam |\\
8.6 (varga 9) verse 3c
jAmibruvata Ayudham ||\\
8.6 (varga 9) verse 4a
samasya manyave visho vishvA namanta kRSTayaH |\\
8.6 (varga 9) verse 4c
samudrAyeva sindhavaH ||\\
8.6 (varga 9) verse 5a
ojastadasya titviSa ubhe yad samavartayat |\\
8.6 (varga 9) verse 5c
indrashcarmevarodasI ||\\
8.6 (varga 10) verse 6a
vi cid vRtrasya dodhato vajreNa shataparvaNA |\\
8.6 (varga 10) verse 6c
shiro bibhedavRSNinA ||\\
8.6 (varga 10) verse 7a
imA abhi pra Nonumo vipAmagreSu dhItayaH |\\
8.6 (varga 10) verse 7c
agneH shocirna didyutaH ||\\
8.6 (varga 10) verse 8a
guhA satIrupa tmanA pra yacchocanta dhItayaH |\\
8.6 (varga 10) verse 8c
kaNvARtasya dhArayA ||\\
8.6 (varga 10) verse 9a
pra tamindra nashImahi rayiM gomantamashvinam |\\
8.6 (varga 10) verse 9c
pra brahmapUrvacittaye ||\\
8.6 (varga 10) verse 10a
ahamid dhi pituS pari medhAM Rtasya jagrabha |\\
8.6 (varga 10) verse 10c
ahaM sUrya ivAjani ||\\
8.6 (varga 11) verse 11a
ahaM pratnena manmanA giraH shumbhAmi kaNvavat |\\
8.6 (varga 11) verse 11c
yenendraHshuSmamid dadhe ||\\
8.6 (varga 11) verse 12a
ye tvAmindra na tuSTuvur{R}Sayo ye ca tuSTuvuH |\\
8.6 (varga 11) verse 12c
mamedvardhasva suSTutaH ||\\
8.6 (varga 11) verse 13a
yadasya manyuradhvanId vi vRtraM parvasho rujan |\\
8.6 (varga 11) verse 13c
apaH samudramairayat ||\\
8.6 (varga 11) verse 14a
ni shuSNa indra dharNasiM vajraM jaghantha dasyavi |\\
8.6 (varga 11) verse 14c
vRSAhyugra shRNviSe ||\\
8.6 (varga 11) verse 15a
na dyAva indramojasA nAntarikSANi vajriNam |\\
8.6 (varga 11) verse 15c
na vivyacanta bhUmayaH ||\\
8.6 (varga 12) verse 16a
yasta indra mahIrapa stabhUyamAna Ashayat |\\
8.6 (varga 12) verse 16c
ni taM padyAsu shishnathaH ||\\
8.6 (varga 12) verse 17a
ya ime rodasI mahI samIcI samajagrabhIt |\\
8.6 (varga 12) verse 17c
tamobhirindra taM guhaH ||\\
8.6 (varga 12) verse 18a
ya indra yatayastvA bhRgavo ye ca tuSTuvuH |\\
8.6 (varga 12) verse 18c
mamedugra shrudhI havam ||\\
8.6 (varga 12) verse 19a
imAsta indra pRshnayo ghRtaM duhata Ashiram |\\
8.6 (varga 12) verse 19c
enAM Rtasya pipyuSIH ||\\
8.6 (varga 12) verse 20a
yA indra prasvastvAsA garbhamacakriran |\\
8.6 (varga 12) verse 20c
pari dharmeva sUryam ||\\
8.6 (varga 13) verse 21a
tvAmicchavasas pate kaNvA ukthena vAvRdhuH |\\
8.6 (varga 13) verse 21c
tvAM sutAsa indavaH ||\\
8.6 (varga 13) verse 22a
tavedindra praNItiSUta prashastiradrivaH |\\
8.6 (varga 13) verse 22c
yajño vitantasAyyaH ||\\
8.6 (varga 13) verse 23a
A na indra mahImiSaM puraM na darSi gomatIm |\\
8.6 (varga 13) verse 23c
uta prajAM suvIryam ||\\
8.6 (varga 13) verse 24a
uta tyadAshvashvyaM yadindra nAhuSISvA |\\
8.6 (varga 13) verse 24c
agre vikSupradIdayat ||\\
8.6 (varga 13) verse 25a
abhi vrajaM na tatniSe sUra upAkacakSasam |\\
8.6 (varga 13) verse 25c
yadindra mRLayAsi naH ||\\
8.6 (varga 14) verse 26a
yadaN^ga taviSIyasa indra prarAjasi kSitIH |\\
8.6 (varga 14) verse 26c
mahAnapAra ojasA ||\\
8.6 (varga 14) verse 27a
taM tvA haviSmatIrvisha upa bruvata Utaye |\\
8.6 (varga 14) verse 27c
urujrayasamindubhiH ||\\
8.6 (varga 14) verse 28a
upahvare girINAM saMgathe ca nadInAm |\\
8.6 (varga 14) verse 28c
dhiyA vipro ajAyata ||\\
8.6 (varga 14) verse 29a
ataH samudramudvatashcikitvAnava pashyati |\\
8.6 (varga 14) verse 29c
yato vipAna ejati ||\\
8.6 (varga 14) verse 30a
Adit pratnasya retaso jyotiS pashyanti vAsaram |\\
8.6 (varga 14) verse 30c
paro yadidhyate divA ||\\
8.6 (varga 15) verse 31a
kaNvAsa indra te matiM vishve vardhanti pauMsyam |\\
8.6 (varga 15) verse 31c
uto shaviSTha vRSNyam ||\\
8.6 (varga 15) verse 32a
imAM ma indra suSTutiM juSasva pra su mAmava |\\
8.6 (varga 15) verse 32c
uta pravardhayA matim ||\\
8.6 (varga 15) verse 33a
uta brahmaNyA vayaM tubhyaM pravRddha vajrivaH |\\
8.6 (varga 15) verse 33c
viprA atakSma jIvase ||\\
8.6 (varga 15) verse 34a
abhi kaNvA anUSatApo na pravatA yatIH |\\
8.6 (varga 15) verse 34c
indraM vananvatI matiH ||\\
8.6 (varga 15) verse 35a
indramukthAni vAvRdhuH samudramiva sindhavaH |\\
8.6 (varga 15) verse 35c
anuttamanyumajaram ||\\
8.6 (varga 16) verse 36a
A no yAhi parAvato haribhyAM haryatAbhyAm |\\
8.6 (varga 16) verse 36c
imamindra sutaM piba ||\\
8.6 (varga 16) verse 37a
tvAmid vRtrahantama janAso vRktabarhiSaH |\\
8.6 (varga 16) verse 37c
havante vAjasAtaye ||\\
8.6 (varga 16) verse 38a
anu tvA rodasI ubhe cakraM na vartyetasham |\\
8.6 (varga 16) verse 38c
anu suvAnAsa indavaH ||\\
8.6 (varga 16) verse 39a
mandasvA su svarNara utendra sharyaNAvati |\\
8.6 (varga 16) verse 39c
matsvA vivasvato matI ||\\
8.6 (varga 16) verse 40a
vAvRdhAna upa dyavi vRSA vajryaroravIt |\\
8.6 (varga 16) verse 40c
vRtrahA somapAtamaH ||\\
8.6 (varga 17) verse 41a
RSirhi pUrvajA asyeka IshAna ojasA |\\
8.6 (varga 17) verse 41c
indra coSkUyase vasu ||\\
8.6 (varga 17) verse 42a
asmAkaM tvA sutAnupa vItapRSThA abhi prayaH |\\
8.6 (varga 17) verse 42c
shataMvahantu harayaH ||\\
8.6 (varga 17) verse 43a
imAM su pUrvyAM dhiyaM madhorghRtasya pipyuSIm |\\
8.6 (varga 17) verse 43c
kaNvA ukthena vAvRdhuH ||\\
8.6 (varga 17) verse 44a
indramid vimahInAM medhe vRNIta martyaH |\\
8.6 (varga 17) verse 44c
indraM saniSyurUtaye ||\\
8.6 (varga 17) verse 45a
arvAñcaM tvA puruSTuta priyamedhastutA harI |\\
8.6 (varga 17) verse 45c
somapeyAyavakSataH ||\\
8.6 (varga 17) verse 46a
shatamahaM tirindire sahasraM parshAvA dade |\\
8.6 (varga 17) verse 46c
rAdhAMsiyAdvAnAm ||\\
8.6 (varga 17) verse 47a
trINi shatAnyarvatAM sahasrA dasha gonAm |\\
8.6 (varga 17) verse 47c
daduS pajrAya sAmne ||\\
8.6 (varga 17) verse 48a
udAnaT kakuho divamuSTrAñcaturyujo dadat |\\
8.6 (varga 17) verse 48c
shravasA yAdvaM janam ||\\
8.7 (varga 18) verse 1a
pra yad vastriSTubhamiSaM maruto vipro akSarat |\\
8.7 (varga 18) verse 1c
vi parvateSu rAjatha ||\\
8.7 (varga 18) verse 2a
yadaN^ga taviSIyavo yAmaM shubhrA acidhvam |\\
8.7 (varga 18) verse 2c
ni parvatA ahAsata ||\\
8.7 (varga 18) verse 3a
udIrayanta vAyubhirvAshrAsaH pRshnimAtaraH |\\
8.7 (varga 18) verse 3c
dhukSantapipyushImiSam ||\\
8.7 (varga 18) verse 4a
vapanti maruto mihaM pra vepayanti parvatAn |\\
8.7 (varga 18) verse 4c
yad yAmaM yAnti vAyubhiH ||\\
8.7 (varga 18) verse 5a
ni yad yAmAya vo girirni sindhavo vidharmaNe |\\
8.7 (varga 18) verse 5c
mahe shuSmAya yemire ||\\
8.7 (varga 19) verse 6a
yuSmAnu naktamUtaye yuSmAn divA havAmahe |\\
8.7 (varga 19) verse 6c
yuSmAn prayatyadhvare ||\\
8.7 (varga 19) verse 7a
udu tye aruNapsavashcitrA yAmebhirIrate |\\
8.7 (varga 19) verse 7c
vAshrA adhiSNunA divaH ||\\
8.7 (varga 19) verse 8a
sRjanti rashmimojasA panthAM sUryAya yAtave |\\
8.7 (varga 19) verse 8c
te bhAnubhirvi tasthire ||\\
8.7 (varga 19) verse 9a
imAM me maruto giramimaM stomaM RbhukSaNaH |\\
8.7 (varga 19) verse 9c
imaM me vanatA havam ||\\
8.7 (varga 19) verse 10a
trINi sarAMsi pRshnayo duduhre vajriNe madhu |\\
8.7 (varga 19) verse 10c
utsaM kavandhamudriNam ||\\
8.7 (varga 20) verse 11a
maruto yad dha vo divaH sumnAyanto havAmahe |\\
8.7 (varga 20) verse 11c
A tU na upagantana ||\\
8.7 (varga 20) verse 12a
yUyaM hi SThA sudAnavo rudrA RbhukSaNo dame |\\
8.7 (varga 20) verse 12c
uta pracetaso made ||\\
8.7 (varga 20) verse 13a
A no rayiM madacyutaM purukSuM vishvadhAyasam |\\
8.7 (varga 20) verse 13c
iyartA maruto divaH ||\\
8.7 (varga 20) verse 14a
adhIva yad girINAM yAmaM shubhrA acidhvam |\\
8.7 (varga 20) verse 14c
suvAnairmandadhva indubhiH ||\\
8.7 (varga 20) verse 15a
etAvatashcideSAM sumnaM bhikSeta martyaH |\\
8.7 (varga 20) verse 15c
adAbhyasya manmabhiH ||\\
8.7 (varga 21) verse 16a
ye drapsA iva rodasI dhamantyanu vRSTibhiH |\\
8.7 (varga 21) verse 16c
utsaM duhanto akSitam ||\\
8.7 (varga 21) verse 17a
udu svAnebhirIrata ud rathairudu vAyubhiH |\\
8.7 (varga 21) verse 17c
ut stomaiH pRshnimAtaraH ||\\
8.7 (varga 21) verse 18a
yenAva turvashaM yaduM yena kaNvaM dhanaspRtam |\\
8.7 (varga 21) verse 18c
rAye su tasya dhImahi ||\\
8.7 (varga 21) verse 19a
imA u vaH sudAnavo ghRtaM na pipyuSIriSaH |\\
8.7 (varga 21) verse 19c
vardhAn kANvasya manmabhiH ||\\
8.7 (varga 21) verse 20a
kva nUnaM sudAnavo madathA vRktabarhiSaH |\\
8.7 (varga 21) verse 20c
brahmA ko vaHsaparyati ||\\
8.7 (varga 22) verse 21a
nahi Sma yad dha vaH purA stomebhirvRktabarhiSaH |\\
8.7 (varga 22) verse 21c
shardhAn Rtasya jinvatha ||\\
8.7 (varga 22) verse 22a
samu tye mahatIrapaH saM kSoNI samu sUryam |\\
8.7 (varga 22) verse 22c
saM vajraM parvasho dadhuH ||\\
8.7 (varga 22) verse 23a
vi vRtraM parvasho yayurvi parvatAnarAjinaH |\\
8.7 (varga 22) verse 23c
cakrANA vRSNi pauMsyam ||\\
8.7 (varga 22) verse 24a
anu tritasya yudhyataH shuSmamAvannuta kratum |\\
8.7 (varga 22) verse 24c
anvindraM vRtratUrye ||\\
8.7 (varga 22) verse 25a
vidyuddhastA abhidyavaH shiprAH shIrSan hiraNyayIH |\\
8.7 (varga 22) verse 25c
shubhrA vyañjata shriye ||\\
8.7 (varga 23) verse 26a
ushanA yat parAvata ukSNo randhramayAtana |\\
8.7 (varga 23) verse 26c
dyaurna cakradad bhiyA ||\\
8.7 (varga 23) verse 27a
A no makhasya dAvane.ashvairhiraNyapANibhiH |\\
8.7 (varga 23) verse 27c
devAsa upa gantana ||\\
8.7 (varga 23) verse 28a
yadeSAM pRSatI rathe praSTirvahati rohitaH |\\
8.7 (varga 23) verse 28c
yAnti shubhrA riNannapaH ||\\
8.7 (varga 23) verse 29a
suSome sharyaNAvatyArjIke pastyAvati |\\
8.7 (varga 23) verse 29c
yayurnicakrayA naraH ||\\
8.7 (varga 23) verse 30a
kadA gachAtha maruta itthA vipraM havamAnam |\\
8.7 (varga 23) verse 30c
mArDIkebhirnAdhamAnam ||\\
8.7 (varga 24) verse 31a
kad dha nUnaM kadhapriyo yadindramajahAtana |\\
8.7 (varga 24) verse 31c
ko vaH sakhitva ohate ||\\
8.7 (varga 24) verse 32a
saho Su No vajrahastaiH kaNvAso agniM marudbhiH |\\
8.7 (varga 24) verse 32c
stuSehiraNyavAshIbhiH ||\\
8.7 (varga 24) verse 33a
o Su vRSNaH prayajyUnA navyase suvitAya |\\
8.7 (varga 24) verse 33c
vavRtyAM citravAjAn ||\\
8.7 (varga 24) verse 34a
girayashcin ni jihate parshAnAso manyamAnAH |\\
8.7 (varga 24) verse 34c
parvatAshcin ni yemire ||\\
8.7 (varga 24) verse 35a
AkSNayAvAno vahantyantarikSeNa patataH |\\
8.7 (varga 24) verse 35c
dhAtAraH stuvate vayaH ||\\
8.7 (varga 24) verse 36a
agnirhi jAni pUrvyashchando na sUro arciSA |\\
8.7 (varga 24) verse 36c
te bhAnubhirvi tasthire ||\\
8.8 (varga 25) verse 1a
A no vishvAbhirUtibhirashvinA gachataM yuvam |\\
8.8 (varga 25) verse 1c
dasrA hiraNyavartanI pibataM somyaM madhu ||\\
8.8 (varga 25) verse 2a
A nUnaM yAtamashvinA rathena sUryatvacA |\\
8.8 (varga 25) verse 2c
bhujI hiraNyapeshasA kavI gambhIracetasA ||\\
8.8 (varga 25) verse 3a
A yAtaM nahuSas paryAntarikSAt suvRktibhiH |\\
8.8 (varga 25) verse 3c
pibAthoashvinA madhu kaNvAnAM savane sutam ||\\
8.8 (varga 25) verse 4a
A no yAtaM divas paryAntarikSAdadhapriyA |\\
8.8 (varga 25) verse 4c
putraH kaNvasya vAmiha suSAva somyaM madhu ||\\
8.8 (varga 25) verse 5a
A no yAtamupashrutyashvinA somapItaye |\\
8.8 (varga 25) verse 5c
svAhA stomasya vardhanA pra kavI dhItibhirnarA ||\\
8.8 (varga 26) verse 6a
yaccid dhi vAM pura RSayo juhUre.avase narA |\\
8.8 (varga 26) verse 6c
A yAtamashvinA gatamupemAM suSTutiM mama ||\\
8.8 (varga 26) verse 7a
divashcid rocanAdadhyA no gantaM svarvidA |\\
8.8 (varga 26) verse 7c
dhIbhirvatsapracetasA stomebhirhavanashrutA ||\\
8.8 (varga 26) verse 8a
kimanye paryAsate.asmat stomebhirashvinA |\\
8.8 (varga 26) verse 8c
putraH kaNvasya vAM RSirgIrbhirvatso avIvRdhat ||\\
8.8 (varga 26) verse 9a
A vAM vipra ihAvase.ahvat stomebhirashvinA |\\
8.8 (varga 26) verse 9c
ariprA vRtrahantamA tA no bhUtaM mayobhuvA ||\\
8.8 (varga 26) verse 10a
A yad vAM yoSaNA rathamatiSThad vAjinIvasU |\\
8.8 (varga 26) verse 10c
vishvAnyashvinA yuvaM pra dhItAnyagachatam ||\\
8.8 (varga 27) verse 11a
ataH sahasranirNijA rathenA yAtamashvinA |\\
8.8 (varga 27) verse 11c
vatso vAM madhumad vaco.ashaMsIt kAvyaH kaviH ||\\
8.8 (varga 27) verse 12a
purumandrA purUvasU manotarA rayINAm |\\
8.8 (varga 27) verse 12c
stomaM me ashvinAvimamabhi vahnI anUSAtAm ||\\
8.8 (varga 27) verse 13a
A no vishvAnyashvinA dhattaM rAdhAMsyahrayA |\\
8.8 (varga 27) verse 13c
kRtaM na RtviyAvato mA no rIradhataM nide ||\\
8.8 (varga 27) verse 14a
yan nAastyA parAvati yad vA stho adhyambare |\\
8.8 (varga 27) verse 14c
ataH sahasranirNijA rathenA yAtamashvinA ||\\
8.8 (varga 27) verse 15a
yo vAM nAsatyAv RSirgIrbhirvatso avIvRdhat |\\
8.8 (varga 27) verse 15c
tasmai sahasranirNijamiSaM dhattaM ghRtashcutam ||\\
8.8 (varga 28) verse 16a
prAsmA UrjaM ghRtashcutamashvinA yachataM yuvam |\\
8.8 (varga 28) verse 16c
yo vAM sumnAya tuSTavad vasUyAd dAnunas patI ||\\
8.8 (varga 28) verse 17a
A no gantaM rishAdasemaM stomaM purubhujA |\\
8.8 (varga 28) verse 17c
kRtaM naH sushriyo naremA dAtamabhiSTaye ||\\
8.8 (varga 28) verse 18a
A vAM vishvAbhirUtibhiH priyamedhA ahUSata |\\
8.8 (varga 28) verse 18c
rAjantAvadhvarANAmashvinA yAmahUtiSu ||\\
8.8 (varga 28) verse 19a
A no gantaM mayobhuvAshvinA shambhuvA yuvam |\\
8.8 (varga 28) verse 19c
yo vAM vipanyU dhItibhirgIrbhirvatso avIvRdhat ||\\
8.8 (varga 28) verse 20a
yAbhiH kaNvaM medhAtithiM yAbhirvashaM dashavrajam |\\
8.8 (varga 28) verse 20c
yAbhirgosharyamAvataM tAbhirno.avataM narA ||\\
8.8 (varga 29) verse 21a
yAbhirnarA trasadasyumAvataM kRtvye dhane |\\
8.8 (varga 29) verse 21c
tAbhiH SvasmAnashvinA prAvataM vAjasAtaye ||\\
8.8 (varga 29) verse 22a
pra vAM stomAH suvRktayo giro vardhantvashvinA |\\
8.8 (varga 29) verse 22c
purutrA vRtrahantamA tA no bhUtaM puruspRhA ||\\
8.8 (varga 29) verse 23a
trINi padAnyashvinorAviH sAnti guhA paraH |\\
8.8 (varga 29) verse 23c
kavI Rtasya patmabhirarvAg jIvebhyas pari ||\\
8.9 (varga 30) verse 1a
A nUnamashvinA yuvaM vatsasya gantamavase |\\
8.9 (varga 30) verse 1c
prAsmai yachatamavRkaM pRthu chardiryuyutaM yA arAtayaH ||\\
8.9 (varga 30) verse 2a
yadantarikSe yad divi yat pañca mAnuSAnanu |\\
8.9 (varga 30) verse 2c
nRmNantad dhattamashvinA ||\\
8.9 (varga 30) verse 3a
ye vAM daMsAMsyashvinA viprAsaH parimAmRshuH |\\
8.9 (varga 30) verse 3c
evet kANvasya bodhatam ||\\
8.9 (varga 30) verse 4a
ayaM vAM gharmo ashvinA stomena pari Sicyate |\\
8.9 (varga 30) verse 4c
ayaM somo madhumAn vAjinIvasU yena vRtraM ciketathaH ||\\
8.9 (varga 30) verse 5a
yadapsu yad vanaspatau yadoSadhISu purudaMsasA kRtam |\\
8.9 (varga 30) verse 5c
tena mAviSTamashvinA ||\\
8.9 (varga 31) verse 6a
yan nAsatyA bhuraNyatho yad vA deva bhiSajyathaH |\\
8.9 (varga 31) verse 6c
ayaM vAM vatso matibhirna vindhate haviSmantaM hi gachathaH ||\\
8.9 (varga 31) verse 7a
A nUnamashvinor{R}SiH stomaM ciketa vAmayA |\\
8.9 (varga 31) verse 7c
A somaM madhumattamaM gharmaM siñcAdatharvaNi ||\\
8.9 (varga 31) verse 8a
A nUnaM raghuvartaniM rathaM tiSThAtho ashvinA |\\
8.9 (varga 31) verse 8c
A vAM stomA ime mama nabho na cucyavIrata ||\\
8.9 (varga 31) verse 9a
yadadya vAM nAsatyokthairAcucyuvImahi |\\
8.9 (varga 31) verse 9c
yad vA vANIbhirashvinevet kANvasya bodhatam ||\\
8.9 (varga 31) verse 10a
yad vAM kakSIvAnuta yad vyashva RSiryad vAM dIrghatamA juhAva |\\
8.9 (varga 31) verse 10c
pRthI yad vAM vainyaH sAdaneSvevedato ashvinA cetayethAm ||\\
8.9 (varga 32) verse 11a
yAtaM chardiSpA uta naH paraspA bhUtaM jagatpA uta nastanUpA |\\
8.9 (varga 32) verse 11c
vartistokAya tanayAya yAtam ||\\
8.9 (varga 32) verse 12a
yadindreNa sarathaM yAtho ashvinA yad vA vAyunA bhavathaH samokasA |\\
8.9 (varga 32) verse 12c
yadAdityebhir{R}bhubhiH sajoSasA yad vA viSNorvikramaNeSu tiSThathaH ||\\
8.9 (varga 32) verse 13a
yadadyAshvinAvahaM huveya vAjasAtaye |\\
8.9 (varga 32) verse 13c
yat pRtsu turvaNe sahastacchreSThamashvinoravaH ||\\
8.9 (varga 32) verse 14a
A nUnaM yAtamashvinemA havyAni vAM hitA |\\
8.9 (varga 32) verse 14c
ime somAsoadhi turvashe yadAvime kaNveSu vAmatha ||\\
8.9 (varga 32) verse 15a
yan nAsatyA parAke arvAke asti bheSajam |\\
8.9 (varga 32) verse 15c
tena nUnaM vimadAya pracetasA chardirvatsAya yachatam ||\\
8.9 (varga 33) verse 16a
abhutsyu pra devyA sAkaM vAcAhamashvinoH |\\
8.9 (varga 33) verse 16c
vyAvardevyA matiM vi rAtiM martyebhyaH ||\\
8.9 (varga 33) verse 17a
pra bodhayoSo ashvinA pra devi sUnRte mahi |\\
8.9 (varga 33) verse 17c
pra yajñahotarAnuSak pra madAya shravo bRhat ||\\
8.9 (varga 33) verse 18a
yaduSo yAsi bhAnunA saM sUryeNa rocase |\\
8.9 (varga 33) verse 18c
A hAyamashvino ratho vartiryAti nRpAyyam ||\\
8.9 (varga 33) verse 19a
yadApItAso aMshavo gAvo na duhra UdhabhiH |\\
8.9 (varga 33) verse 19c
yad vA vANIranUSata pra devayanto ashvinA ||\\
8.9 (varga 33) verse 20a
pra dyumnAya pra shavase pra nRSAhyAya sharmaNe |\\
8.9 (varga 33) verse 20c
pra dakSAya pracetasA ||\\
8.9 (varga 33) verse 21a
yan nUnaM dhIbhirashvinA pituryonA niSIdathaH yad vAsumnebhirukthyA ||\\
8.10 (varga 34) verse 1a
yat stho dIrghaprasadmani yad vAdo rocane divaH |\\
8.10 (varga 34) verse 1c
yad vA samudre adhyAkRte gRhe.ata A yAtamashvinA ||\\
8.10 (varga 34) verse 2a
yad vA yajñaM manave sammimikSathurevet kANvasya bodhatam |\\
8.10 (varga 34) verse 2c
bRhaspatiM vishvAn devAnahaM huva indrAviSNU ashvinAvAshuheSasA ||\\
8.10 (varga 34) verse 3a
tyA nvashvinA huve sudaMsasA gRbhe kRtA |\\
8.10 (varga 34) verse 3c
yayorasti praNaH sakhyaM deveSvadhyApyam ||\\
8.10 (varga 34) verse 4a
yayoradhi pra yajñA asUre santi sUrayaH |\\
8.10 (varga 34) verse 4c
tA yajñasyAdhvarasya pracetasA svadhAbhiryA pibataH somyaM madhu ||\\
8.10 (varga 34) verse 5a
yadadyAshvinAvapAg yat prAk stho vAjinIvasU |\\
8.10 (varga 34) verse 5c
yad druhyavyanavi turvashe yadau huve vAmatha mA gatam ||\\
8.10 (varga 34) verse 6a
yadantarikSe patathaH purubhujA yad veme rodasI anu |\\
8.10 (varga 34) verse 6c
yadvA svadhAbhiradhitiSThatho rathamata A yAtamashvinA ||\\
8.11 (varga 35) verse 1a
tvamagne vratapA asi deva A martyeSvA |\\
8.11 (varga 35) verse 1c
tvaM yajñeSvIDyaH ||\\
8.11 (varga 35) verse 2a
tvamasi prashasyo vidatheSu sahantya |\\
8.11 (varga 35) verse 2c
agne rathIradhvarANAm ||\\
8.11 (varga 35) verse 3a
sa tvamasmadapa dviSo yuyodhi jAtavedaH |\\
8.11 (varga 35) verse 3c
adevIragne arAtIH ||\\
8.11 (varga 35) verse 4a
anti cit santamaha yajñaM martasya ripoH |\\
8.11 (varga 35) verse 4c
nopa veSi jAtavedaH ||\\
8.11 (varga 35) verse 5a
martA amartyasya te bhUri nAma manAmahe |\\
8.11 (varga 35) verse 5c
viprAso jAtavedasaH ||\\
8.11 (varga 36) verse 6a
vipraM viprAso.avase devaM martAsa Utaye |\\
8.11 (varga 36) verse 6c
agniM gIrbhirhavAmahe ||\\
8.11 (varga 36) verse 7a
A te vatso mano yamat paramAccit sadhasthAt |\\
8.11 (varga 36) verse 7c
agne tvAM kAmayA girA ||\\
8.11 (varga 36) verse 8a
purutrA hi sadRMM asi visho vishvA anu prabhuH |\\
8.11 (varga 36) verse 8c
samatsutvA havAmahe ||\\
8.11 (varga 36) verse 9a
samatsvagnimavase vAjayanto havAmahe |\\
8.11 (varga 36) verse 9c
vAjeSu citrarAdhasam ||\\
8.11 (varga 36) verse 10a
pratno hi kamIDyo adhvareSu sanAcca hotA navyashca satsi |\\
8.11 (varga 36) verse 10c
svAM cAgne tanvaM piprayasvAsmabhyaM ca saubhagamA yajasva ||\\
8.12 (varga 1) verse 1a
ya indra somapAtamo madaH shaviSTha cetati |\\
8.12 (varga 1) verse 1c
yenA haMsi nyatriNaM tamImahe ||\\
8.12 (varga 1) verse 2a
yenA dashagvamadhriguM vepayantaM svarNaram |\\
8.12 (varga 1) verse 2c
yenA samudramAvithA tamImahe ||\\
8.12 (varga 1) verse 3a
yena sindhuM mahIrapo rathAniva pracodayaH |\\
8.12 (varga 1) verse 3c
panthAM Rtasya yAtave tamImahe ||\\
8.12 (varga 1) verse 4a
imaM stomamabhiSTaye ghRtaM na pUtamadrivaH |\\
8.12 (varga 1) verse 4c
yenA nusadya ojasA vavakSitha ||\\
8.12 (varga 1) verse 5a
imaM juSasva girvaNaH samudra iva pinvate |\\
8.12 (varga 1) verse 5c
indra vishvAbhirUtibhirvavakSitha ||\\
8.12 (varga 2) verse 6a
yo no devaH parAvataH sakhitvanAya mAmahe |\\
8.12 (varga 2) verse 6c
divo na vRSTiM prathayan vavakSitha ||\\
8.12 (varga 2) verse 7a
vavakSurasya ketavo uta vajro gabhastyoH |\\
8.12 (varga 2) verse 7c
yat sUryo na rodasI avardhayat ||\\
8.12 (varga 2) verse 8a
yadi pravRddha satpate sahasraM mahiSAnaghaH |\\
8.12 (varga 2) verse 8c
Adit ta indriyaM mahi pra vAvRdhe ||\\
8.12 (varga 2) verse 9a
indraH sUryasya rashmibhirnyarshasAnamoSati |\\
8.12 (varga 2) verse 9c
agnirvaneva sAsahiH pra vAvRdhe ||\\
8.12 (varga 2) verse 10a
iyaM ta RtviyAvatI dhItireti navIyasI |\\
8.12 (varga 2) verse 10c
saparyantI purupriyA mimIta it ||\\
8.12 (varga 3) verse 11a
garbho yajñasya devayuH kratuM punIta AnuSak |\\
8.12 (varga 3) verse 11c
stomairindrasya vAvRdhe mimIta it ||\\
8.12 (varga 3) verse 12a
sanirmitrasya papratha indraH somasya pItaye |\\
8.12 (varga 3) verse 12c
prAcI vAshIva sunvate mimIta it ||\\
8.12 (varga 3) verse 13a
yaM viprA ukthavAhaso.abhipramandurAyavaH |\\
8.12 (varga 3) verse 13c
ghRtaM na pipya Asany Rtasya yat ||\\
8.12 (varga 3) verse 14a
uta svarAje aditi stomamindrAya jIjanat |\\
8.12 (varga 3) verse 14c
puruprashastamUtaya Rtasya yat ||\\
8.12 (varga 3) verse 15a
abhi vahnaya Utaye.anUSata prashastaye |\\
8.12 (varga 3) verse 15c
na deva vivratA harI Rtasya yat ||\\
8.12 (varga 4) verse 16a
yat somamindra viSNavi yad vA gha trita Aptye |\\
8.12 (varga 4) verse 16c
yad vA marutsu mandase samindubhiH ||\\
8.12 (varga 4) verse 17a
yad vA shakra parAvati samudre adhi mandase |\\
8.12 (varga 4) verse 17c
asmAkamit sute raNA samindubhiH ||\\
8.12 (varga 4) verse 18a
yad vAsi sunvato vRdho yajamAnasya satpate |\\
8.12 (varga 4) verse 18c
ukthe vA yasyaraNyasi samindubhiH ||\\
8.12 (varga 4) verse 19a
devaM\-devaM vo.avasa indram\-indraM gRNISaNi |\\
8.12 (varga 4) verse 19c
adhA yajñAya turvaNe vyAnashuH ||\\
8.12 (varga 4) verse 20a
yajñebhiryajñavAhasaM somebhiH somapAtamam |\\
8.12 (varga 4) verse 20c
hotrAbhirindraM vAvRdhurvyAnashuH ||\\
8.12 (varga 5) verse 21a
mahIrasya praNItayaH pUrvIruta prashastayaH |\\
8.12 (varga 5) verse 21c
vishvA vasUni dAshuSe vyAnashuH ||\\
8.12 (varga 5) verse 22a
indraM vRtrAya hantave devAso dadhire puraH |\\
8.12 (varga 5) verse 22c
indraM vANIranUSatA samojase ||\\
8.12 (varga 5) verse 23a
mahAntaM mahinA vayaM stomebhirhavanashrutam |\\
8.12 (varga 5) verse 23c
arkairabhipra NonumaH samojase ||\\
8.12 (varga 5) verse 24a
na yaM vivikto rodasI nAntarikSANi vajriNam |\\
8.12 (varga 5) verse 24c
amAdidasya titviSe samojasaH ||\\
8.12 (varga 5) verse 25a
yadindra pRtanAjye devAstvA dadhire puraH |\\
8.12 (varga 5) verse 25c
Adit te haryatA harI vavakSatuH ||\\
8.12 (varga 6) verse 26a
yadA vRtraM nadIvRtaM shavasA vajrinnavadhIH |\\
8.12 (varga 6) verse 26c
Adit te ... ||\\
8.12 (varga 6) verse 27a
yadA te viSNurojasA trINi padA vicakrame |\\
8.12 (varga 6) verse 27c
Adit te . .. ||\\
8.12 (varga 6) verse 28a
yadA te haryatA harI vAvRdhAte dive\-dive |\\
8.12 (varga 6) verse 28c
Adit te vishvA bhuvanAni yemire ||\\
8.12 (varga 6) verse 29a
yadA te mArutIrvishastubhyamindra niyemire |\\
8.12 (varga 6) verse 29c
A it te v. ... ||\\
8.12 (varga 6) verse 30a
yadA sUryamamuM divi shukraM jyotiradhArayaH |\\
8.12 (varga 6) verse 30c
Aditte v. ... ||\\
8.12 (varga 6) verse 31a
imAM ta indra suSTutiM vipra iyarti dhItibhiH |\\
8.12 (varga 6) verse 31c
jAmiM padeva pipratIM prAdhvare ||\\
8.12 (varga 6) verse 32a
yadasya dhAmani priye samIcInAso asvaran |\\
8.12 (varga 6) verse 32c
nAbhA yajñasya dohanA prAdhvare ||\\
8.12 (varga 6) verse 33a
suvIryaM svashvyaM sugavyaM indra daddhi naH |\\
8.12 (varga 6) verse 33c
hoteva pUrvacittaye prAdhvare ||\\
8.13 (varga 7) verse 1a
indraH suteSu someSu kratuM punIta ukthyam |\\
8.13 (varga 7) verse 1c
vide vRdhasyadakSaso mahAn hi SaH ||\\
8.13 (varga 7) verse 2a
sa prathame vyomani devAnAM sadane vRdhaH |\\
8.13 (varga 7) verse 2c
supAraH sushravastamaH samapsujit ||\\
8.13 (varga 7) verse 3a
tamahve vAjasAtaya indraM bharAya shuSmiNam |\\
8.13 (varga 7) verse 3c
bhavA naHsumne antamaH sakhA vRdhe ||\\
8.13 (varga 7) verse 4a
iyaM ta indra girvaNo rAtiH kSarati sunvataH |\\
8.13 (varga 7) verse 4c
mandAno asya barhiSo vi rAjasi ||\\
8.13 (varga 7) verse 5a
nUnaM tadindra daddhi no yat tvA sunvanta Imahe |\\
8.13 (varga 7) verse 5c
rayiM nashcitramA bharA svarvidam ||\\
8.13 (varga 8) verse 6a
stotA yat te vicarSaNiratiprashardhayad giraH |\\
8.13 (varga 8) verse 6c
vayA ivAnu rohate juSanta yat ||\\
8.13 (varga 8) verse 7a
pratnavajjanayA giraH shRNudhI jariturhavam |\\
8.13 (varga 8) verse 7c
made\-made vavakSithA sukRtvane ||\\
8.13 (varga 8) verse 8a
krILantyasya sUnRtA Apo na pravatA yatIH |\\
8.13 (varga 8) verse 8c
ayA dhiyA ya ucyate patirdivaH ||\\
8.13 (varga 8) verse 9a
uto patirya ucyate kRSTInAmeka id vashI |\\
8.13 (varga 8) verse 9c
namovRdhairavasyubhiH sute raNa ||\\
8.13 (varga 8) verse 10a
stuhi shrutaM vipashcitaM harI yasya prasakSiNA |\\
8.13 (varga 8) verse 10c
gantArA dAshuSo gRhaM namasvinaH ||\\
8.13 (varga 9) verse 11a
tUtujAno mahemate.ashvebhiH pruSitapsubhiH |\\
8.13 (varga 9) verse 11c
A yAhi yajñamAshubhiH shamid dhi te ||\\
8.13 (varga 9) verse 12a
indra shaviSTha satpate rayiM gRNatsu dhAraya |\\
8.13 (varga 9) verse 12c
shravaH sUribhyo amRtaM vasutvanam ||\\
8.13 (varga 9) verse 13a
have tvA sUra udite have madhyandine divaH |\\
8.13 (varga 9) verse 13c
juSANa indra saptibhirna A gahi ||\\
8.13 (varga 9) verse 14a
A tU gahi pra tu drava matsvA sutasya gomataH |\\
8.13 (varga 9) verse 14c
tantuM tanuSva pUrvyaM yathA vide ||\\
8.13 (varga 9) verse 15a
yacchakrAsi parAvati yadarvAvati vRtrahan |\\
8.13 (varga 9) verse 15c
yad vA samudre andhaso.avitedasi ||\\
8.13 (varga 10) verse 16a
indraM vardhantu no gira indraM sutAsa indavaH |\\
8.13 (varga 10) verse 16c
indre haviSmatIrvisho arANiSuH ||\\
8.13 (varga 10) verse 17a
tamid viprA avasyavaH pravatvatIbhirUtibhiH |\\
8.13 (varga 10) verse 17c
indraM kSoNIravardhayan vayA iva ||\\
8.13 (varga 10) verse 18a
trikadrukeSu cetanaM devAso yajñamatnata |\\
8.13 (varga 10) verse 18c
tamid vardhantuno giraH sadAvRdham ||\\
8.13 (varga 10) verse 19a
stotA yat te anuvrata ukthAny RtuthA dadhe |\\
8.13 (varga 10) verse 19c
shuciH pAvaka ucyate so adbhutaH ||\\
8.13 (varga 10) verse 20a
tadid rudrasya cetati yahvaM pratneSu dhAmasu |\\
8.13 (varga 10) verse 20c
mano yatrAvi tad dadhurvicetasaH ||\\
8.13 (varga 11) verse 21a
yadi me sakhyamAvara imasya pAhyandhasaH |\\
8.13 (varga 11) verse 21c
yena vishvA ati dviSo atArima ||\\
8.13 (varga 11) verse 22a
kadA ta indra girvaNa stotA bhavAti shantamaH |\\
8.13 (varga 11) verse 22c
kadA no gavye ashvye vasau dadhaH ||\\
8.13 (varga 11) verse 23a
uta te suSTutA harI vRSaNA vahato ratham |\\
8.13 (varga 11) verse 23c
ajuryasya madintamaM yamImahe ||\\
8.13 (varga 11) verse 24a
tamImahe puruSTutaM yahvaM pratnAbhirUtibhiH |\\
8.13 (varga 11) verse 24c
ni barhiSi priye sadadadha dvitA ||\\
8.13 (varga 11) verse 25a
vardhasvA su puruSTuta RSiSTutAbhirUtibhiH |\\
8.13 (varga 11) verse 25c
dhukSasvapipyuSImiSamavA ca naH ||\\
8.13 (varga 12) verse 26a
indra tvamavitedasItthA stuvato adrivaH |\\
8.13 (varga 12) verse 26c
RtAdiyarmi te dhiyaM manoyujam ||\\
8.13 (varga 12) verse 27a
iha tyA sadhamAdya yujAnaH somapItaye |\\
8.13 (varga 12) verse 27c
harI indra pratadvasU abhi svara ||\\
8.13 (varga 12) verse 28a
abhi svarantu ye tava rudrAsaH sakSata shriyam |\\
8.13 (varga 12) verse 28c
uto marutvatIrvisho abhi prayaH ||\\
8.13 (varga 12) verse 29a
imA asya pratUrtayaH padaM juSanta yad divi |\\
8.13 (varga 12) verse 29c
nAbhA yajñasya saM dadhuryathA vide ||\\
8.13 (varga 12) verse 30a
ayaM dIrghAya cakSase prAci prayatyadhvare |\\
8.13 (varga 12) verse 30c
mimIte yajñamAnuSag vicakSya ||\\
8.13 (varga 13) verse 31a
vRSAyamindra te ratha uto te vRSaNA harI |\\
8.13 (varga 13) verse 31c
vRSA tvaMshatakrato vRSA havaH ||\\
8.13 (varga 13) verse 32a
vRSA grAvA vRSA mado vRSA somo ayaM sutaH |\\
8.13 (varga 13) verse 32c
vRSAyajño yaminvasi vRSA havaH ||\\
8.13 (varga 13) verse 33a
vRSA tvA vRSaNaM huve vajriñcitrAbhirutibhiH |\\
8.13 (varga 13) verse 33c
vAvantha hi pratiSTutiM vRSA havaH ||\\
8.14 (varga 14) verse 1a
yadindrAhaM yathA tvamIshIya vasva eka it |\\
8.14 (varga 14) verse 1c
stotA megoSakhA syAt ||\\
8.14 (varga 14) verse 2a
shikSeyamasmai ditseyaM shacIpate manISiNe |\\
8.14 (varga 14) verse 2c
yadahaM gopatiH syAm ||\\
8.14 (varga 14) verse 3a
dhenuS Ta indra sUnRtA yajamAnAya sunvate |\\
8.14 (varga 14) verse 3c
gAmashvaM pipyuSI duhe ||\\
8.14 (varga 14) verse 4a
na te vartAsti rAdhasa indra devo na martyaH |\\
8.14 (varga 14) verse 4c
yad ditsasistuto magham ||\\
8.14 (varga 14) verse 5a
yajña indramavardhayad yad bhUmiM vyavartayat |\\
8.14 (varga 14) verse 5c
cakrANa opashaM divi ||\\
8.14 (varga 15) verse 6a
vAvRdhAnasya te vayaM vishvA dhanAni jigyuSaH |\\
8.14 (varga 15) verse 6c
UtimindrA vRNImahe ||\\
8.14 (varga 15) verse 7a
vyantarikSamatiran made somasya rocanA |\\
8.14 (varga 15) verse 7c
indro yadabhinadvalam ||\\
8.14 (varga 15) verse 8a
ud gA AjadaN^girobhya AviS kRNvan guhA satIH |\\
8.14 (varga 15) verse 8c
arvAñcaM nunude valam ||\\
8.14 (varga 15) verse 9a
indreNa rocanA divo dRLhAni dRMhitAni ca |\\
8.14 (varga 15) verse 9c
sthirANi naparANude ||\\
8.14 (varga 15) verse 10a
apAmUrmirmadanniva stoma indrAjirAyate |\\
8.14 (varga 15) verse 10c
vi te madA arAjiSuH ||\\
8.14 (varga 16) verse 11a
tvaM hi stomavardhana indrAsyukthavardhanaH |\\
8.14 (varga 16) verse 11c
stotR^INAmuta bhadrakRt ||\\
8.14 (varga 16) verse 12a
indramit keshinA harI somapeyAya vakSataH |\\
8.14 (varga 16) verse 12c
upa yajñaMsurAdhasam ||\\
8.14 (varga 16) verse 13a
apAM phenena namuceH shira indrodavartayaH |\\
8.14 (varga 16) verse 13c
vishvA yadajayaH spRdhaH ||\\
8.14 (varga 16) verse 14a
mAyAbhirutsisRpsata indra dyAmArurukSataH |\\
8.14 (varga 16) verse 14c
ava dasyUnradhUnuthAH ||\\
8.14 (varga 16) verse 15a
asunvAmindra saMsadaM viSUcIM vyanAshayaH |\\
8.14 (varga 16) verse 15c
somapA uttaro bhavan ||\\
8.15 (varga 17) verse 1a
taM vabhi pra gAyata puruhUtaM puruSTutam |\\
8.15 (varga 17) verse 1c
indraM gIrbhistaviSamA vivAsata ||\\
8.15 (varga 17) verse 2a
yasya dvibarhaso bRhat saho dAdhAra rodasI |\\
8.15 (varga 17) verse 2c
girInrajrAnapaH svarvRSatvanA ||\\
8.15 (varga 17) verse 3a
sa rAjasi puruSTuta eko vRtrANi jighnase |\\
8.15 (varga 17) verse 3c
indra jaitrA shravasyA ca yantave ||\\
8.15 (varga 17) verse 4a
taM te madaM gRNImasi vRSaNaM pRtsu sAsahim |\\
8.15 (varga 17) verse 4c
u lokakRtnumadrivo harishriyam ||\\
8.15 (varga 17) verse 5a
yena jyotIMSyAyave manave ca viveditha |\\
8.15 (varga 17) verse 5c
mandAno asya barhiSo vi rAjasi ||\\
8.15 (varga 18) verse 6a
tadadyA cit ta ukthino.anu STuvanti pUrvathA |\\
8.15 (varga 18) verse 6c
vRSapatnIrapo jayA dive\-dive ||\\
8.15 (varga 18) verse 7a
tava tyadindriyaM bRhat tava shuSmamuta kratum |\\
8.15 (varga 18) verse 7c
vajraM shishAti dhiSaNA vareNyam ||\\
8.15 (varga 18) verse 8a
tava dyaurindra pauMsyaM pRthivI vardhati shravaH |\\
8.15 (varga 18) verse 8c
tvAmApaH parvatAsashca hinvire ||\\
8.15 (varga 18) verse 9a
tvAM viSNurbRhan kSayo mitro gRNAti varuNaH |\\
8.15 (varga 18) verse 9c
tvAMshardho madatyanu mArutam ||\\
8.15 (varga 18) verse 10a
tvaM vRSA janAnAM maMhiSTha indra jajñiSe |\\
8.15 (varga 18) verse 10c
satrA vishvA svapatyAni dadhiSe ||\\
8.15 (varga 19) verse 11a
satrA tvaM puruSTuta eko vRtrANi toshase |\\
8.15 (varga 19) verse 11c
nAnya indrAtkaraNaM bhUya invati ||\\
8.15 (varga 19) verse 12a
yadindra manmashastvA nAnA havanta Utaye |\\
8.15 (varga 19) verse 12c
asmAkebhirnRbhiratrA svarjaya ||\\
8.15 (varga 19) verse 13a
araM kSayAya no mahe vishvA rUpANyAvishan |\\
8.15 (varga 19) verse 13c
indraM jaitrAya harSayA shacIpatim ||\\
8.16 (varga 20) verse 1a
pra samrAjaM carSaNInAmindraM stotA navyaM gIrbhiH |\\
8.16 (varga 20) verse 1c
naraM nRSAhaM maMhiSTham ||\\
8.16 (varga 20) verse 2a
yasminnukthAni raNyanti vishvAni ca shravasyA |\\
8.16 (varga 20) verse 2c
apAmavona samudre ||\\
8.16 (varga 20) verse 3a
taM suSTutyA vivAse jyeSTharAjaM bhare kRtnum |\\
8.16 (varga 20) verse 3c
maho vAjinaM sanibhyaH ||\\
8.16 (varga 20) verse 4a
yasyAnUnA gabhIrA madA uravastarutrAH |\\
8.16 (varga 20) verse 4c
harSumantaHshUrasAtau ||\\
8.16 (varga 20) verse 5a
tamid dhaneSu hiteSvadhivAkAya havante |\\
8.16 (varga 20) verse 5c
yeSAmindraste jayanti ||\\
8.16 (varga 20) verse 6a
tamiccyautnairAryanti taM kRtebhishcarSaNayaH |\\
8.16 (varga 20) verse 6c
eSaindro varivaskRt ||\\
8.16 (varga 21) verse 7a
indro brahmendra RSirindraH purU puruhUtaH |\\
8.16 (varga 21) verse 7c
mahAn mahIbhiH shacIbhiH ||\\
8.16 (varga 21) verse 8a
sa stomyaH sa havyaH satyaH satvA tuvikUrmiH |\\
8.16 (varga 21) verse 8c
ekashcitsannabhibhUtiH ||\\
8.16 (varga 21) verse 9a
tamarkebhistaM sAmabhistaM gAyatraishcarSaNayaH |\\
8.16 (varga 21) verse 9c
indraM vardhanti kSitayaH ||\\
8.16 (varga 21) verse 10a
praNetAraM vasyo achA kartAraM jyotiH samatsu |\\
8.16 (varga 21) verse 10c
sAsahvAMsaM yudhAmitrAn ||\\
8.16 (varga 21) verse 11a
sa naH papriH pArayAti svasti nAvA puruhUtaH |\\
8.16 (varga 21) verse 11c
indro vishvA ati dviSaH ||\\
8.16 (varga 21) verse 12a
sa tvaM na indra vAjebhirdashasyA ca gAtuyA ca |\\
8.16 (varga 21) verse 12c
achA canaH sumnaM neSi ||\\
8.17 (varga 22) verse 1a
A yAhi suSumA hi ta indra somaM pibA imam |\\
8.17 (varga 22) verse 1c
edaM barhiH sado mama ||\\
8.17 (varga 22) verse 2a
A tvA brahmayujA harI vahatAmindra keshinA |\\
8.17 (varga 22) verse 2c
upa brahmaNi naH shRNu ||\\
8.17 (varga 22) verse 3a
brahmANastvA vayaM yujA somapAmindra sominaH |\\
8.17 (varga 22) verse 3c
sutAvanto havAmahe ||\\
8.17 (varga 22) verse 4a
A no yAhi sutAvato.asmAkaM suSTutIrupa |\\
8.17 (varga 22) verse 4c
pibA su shiprinnandhasaH ||\\
8.17 (varga 22) verse 5a
A te siñcAmi kukSyoranu gAtrA vi dhAvatu |\\
8.17 (varga 22) verse 5c
gRbhAya jihvayA madhu ||\\
8.17 (varga 23) verse 6a
svAduS Te astu saMsude madhumAn tanve tava |\\
8.17 (varga 23) verse 6c
somaH shamastu te hRde ||\\
8.17 (varga 23) verse 7a
ayamu tvA vicarSaNe janIrivAbhi saMvRtaH |\\
8.17 (varga 23) verse 7c
pra soma indra sarpatu ||\\
8.17 (varga 23) verse 8a
tuvigrIvo vapodaraH subAhurandhaso made |\\
8.17 (varga 23) verse 8c
indro vRtrANi jighnate ||\\
8.17 (varga 23) verse 9a
indra prehi purastvaM vishvasyeshAna ojasA |\\
8.17 (varga 23) verse 9c
vRtrANi vRtrahañ jahi ||\\
8.17 (varga 23) verse 10a
dIrghaste astvaN^kusho yenA vasu prayachasi |\\
8.17 (varga 23) verse 10c
yajamAnAya sunvate ||\\
8.17 (varga 24) verse 11a
ayaM ta indra somo nipUto adhi barhiSi |\\
8.17 (varga 24) verse 11c
ehImasya dravApiba ||\\
8.17 (varga 24) verse 12a
shAcigo shAcipUjanAyaM raNAya te sutaH |\\
8.17 (varga 24) verse 12c
AkhaNDala pra hUyase ||\\
8.17 (varga 24) verse 13a
yaste shRN^gavRSo napAt praNapAt kuNDapAyyaH |\\
8.17 (varga 24) verse 13c
nyasmin dadhra A manaH ||\\
8.17 (varga 24) verse 14a
vAstoS pate dhruvA sthUNAMsatraM somyAnAm |\\
8.17 (varga 24) verse 14c
drapso bhettA purAM shashvatInAmindro munInAM sakhA ||\\
8.17 (varga 24) verse 15a
pRdAkusAnuryajato gaveSaNa ekaH sannabhi bhUyasaH |\\
8.17 (varga 24) verse 15c
bhUrNimashvaM nayat tujA puro gRbhendraM somasya pItaye ||\\
8.18 (varga 25) verse 1a
idaM ha nUnameSAM sumnaM bhikSeta martyaH |\\
8.18 (varga 25) verse 1c
AdityAnAmapUrvyaM savImani ||\\
8.18 (varga 25) verse 2a
anarvANo hyeSAM panthA AdityAnAm |\\
8.18 (varga 25) verse 2c
adabdhAH santi pAyavaH sugevRdhaH ||\\
8.18 (varga 25) verse 3a
tat su naH savitA bhago varuNo mitro aryamA |\\
8.18 (varga 25) verse 3c
sharma yachantu sapratho yadImahe ||\\
8.18 (varga 25) verse 4a
devebhirdevyadite.ariSTabharmannA gahi |\\
8.18 (varga 25) verse 4c
smat sUribhiH purupriye susharmabhiH ||\\
8.18 (varga 25) verse 5a
te hi putrAso aditervidurdveSAMsi yotave |\\
8.18 (varga 25) verse 5c
aMhoshcidurucakrayo.anehasaH ||\\
8.18 (varga 26) verse 6a
aditirno divA pashumaditirnaktamadvayAH |\\
8.18 (varga 26) verse 6c
aditiH pAtvaMhasaH sadAvRdhA ||\\
8.18 (varga 26) verse 7a
uta syA no divA matiraditirUtyA gamat |\\
8.18 (varga 26) verse 7c
sA shantAti mayas karadapa sridhaH ||\\
8.18 (varga 26) verse 8a
uta tyA daivyA bhiSajA shaM naH karato ashvinA |\\
8.18 (varga 26) verse 8c
yuyuyAtAmito rapo apa sridhaH ||\\
8.18 (varga 26) verse 9a
shamagniragnibhiH karacchaM nastapatu sUryaH |\\
8.18 (varga 26) verse 9c
shaM vAto vAtvarapA apa sridhaH ||\\
8.18 (varga 26) verse 10a
apAmIvAmapa sridhamapa sedhata durmatim |\\
8.18 (varga 26) verse 10c
AdityAso yuyotanA no aMhasaH ||\\
8.18 (varga 27) verse 11a
yuyotA sharumasmadAnAdityAsa utAmatim |\\
8.18 (varga 27) verse 11c
Rdhag dveSaHkRNuta vishvavedasaH ||\\
8.18 (varga 27) verse 12a
tat su naH sharma yachatAdityA yan mumocati |\\
8.18 (varga 27) verse 12c
enasvantaM cidenasaH sudAnavaH ||\\
8.18 (varga 27) verse 13a
yo naH kashcid ririkSati rakSastvena martyaH |\\
8.18 (varga 27) verse 13c
svaiH Saevai ririSISTa yurjanaH ||\\
8.18 (varga 27) verse 14a
samit tamaghamashnavad duHshaMsaM martyaM ripum |\\
8.18 (varga 27) verse 14c
yo asmatrA durhaNAvAnupa dvayuH ||\\
8.18 (varga 27) verse 15a
pAkatrA sthana devA hRtsu jAnItha martyam |\\
8.18 (varga 27) verse 15c
upa dvayuM cAdvayuM ca vasavaH ||\\
8.18 (varga 28) verse 16a
A sharma parvatAnAmotApAM vRNImahe |\\
8.18 (varga 28) verse 16c
dyAvAkSAmAre asmad rapas kRtam ||\\
8.18 (varga 28) verse 17a
te no bhadreNa sharmaNA yuSmAkaM nAvA vasavaH |\\
8.18 (varga 28) verse 17c
ati vishvAni duritA pipartana ||\\
8.18 (varga 28) verse 18a
tuce tanAya tat su no drAghIya AyurjIvase |\\
8.18 (varga 28) verse 18c
AdityAsaHsumahasaH kRNotana ||\\
8.18 (varga 28) verse 19a
yajño hILo vo antara AdityA asti mRLata |\\
8.18 (varga 28) verse 19c
yuSme id vo api Smasi sajAtye ||\\
8.18 (varga 28) verse 20a
bRhad varUthaM marutAM devaM trAtAramashvinA |\\
8.18 (varga 28) verse 20c
mitramImahe varuNaM svastaye ||\\
8.18 (varga 28) verse 21a
aneho mitrAryaman nRvad varuNa shaMsyam |\\
8.18 (varga 28) verse 21c
trivarUthaM maruto yanta nashchardiH ||\\
8.18 (varga 28) verse 22a
ye cid dhi mRtyubandhava AdityA manavaH smasi |\\
8.18 (varga 28) verse 22c
pra sU naAyurjIvase tiretana ||\\
8.19 (varga 29) verse 1a
taM gUrdhayA svarNaraM devAso devamaratiM dadhanvire |\\
8.19 (varga 29) verse 1c
devatrA havyamohire ||\\
8.19 (varga 29) verse 2a
vibhUtarAtiM vipra citrashociSamagnimILiSva yanturam |\\
8.19 (varga 29) verse 2c
asya medhasya somyasya sobhare premadhvarAya pUrvyam ||\\
8.19 (varga 29) verse 3a
yajiSThaM tvA vavRmahe devaM devatrA hotAramamartyam |\\
8.19 (varga 29) verse 3c
asya yajñasya sukratum ||\\
8.19 (varga 29) verse 4a
Urjo napAtaM subhagaM sudIditimagniM shreSThashociSam |\\
8.19 (varga 29) verse 4c
sa no mitrasya varuNasya so apAmA sumnaM yakSate divi ||\\
8.19 (varga 29) verse 5a
yaH samidhA ya AhutI yo vedena dadAsha marto agnaye |\\
8.19 (varga 29) verse 5c
yo namasA svadhvaraH ||\\
8.19 (varga 30) verse 6a
tasyedarvanto raMhayanta Ashavastasya dyumnitamaM yashaH |\\
8.19 (varga 30) verse 6c
na tamaMho devakRtaM kutashcana na martyakRtaM nashat ||\\
8.19 (varga 30) verse 7a
svagnayo vo agnibhiH syAma sUno sahasa UrjAM pate |\\
8.19 (varga 30) verse 7c
suvIrastvamasmayuH ||\\
8.19 (varga 30) verse 8a
prashaMsamAno atithirna mitriyo.agnI ratho na vedyaH |\\
8.19 (varga 30) verse 8c
tve kSemAso api santi sAdhavastvaM rAjA rayINAm ||\\
8.19 (varga 30) verse 9a
so addhA dAshvadhvaro.agne martaH subhaga sa prashaMsyaH |\\
8.19 (varga 30) verse 9c
sa dhIbhirastu sanitA ||\\
8.19 (varga 30) verse 10a
yasya tvamUrdhvo adhvarAya tiSThasi kSayadvIraH sa sAdhate |\\
8.19 (varga 30) verse 10c
so arvadbhiH sanitA sa vipanyubhiH sa shUraiH sanitA kRtam ||\\
8.19 (varga 31) verse 11a
yasyAgnirvapurgRhe stomaM cano dadhIta vishvavAryaH |\\
8.19 (varga 31) verse 11c
havyA vA veviSad viSaH ||\\
8.19 (varga 31) verse 12a
viprasya vA stuvataH sahaso yaho makSUtamasya rAtiSu |\\
8.19 (varga 31) verse 12c
avodevamuparimartyaM kRdhi vaso vividuSo vacaH ||\\
8.19 (varga 31) verse 13a
yo agniM havyadAtibhirnamobhirvA sudakSamAvivAsati |\\
8.19 (varga 31) verse 13c
girA vAjirashociSam ||\\
8.19 (varga 31) verse 14a
samidhA yo nishitI dAshadaditiM dhAmabhirasya martyaH |\\
8.19 (varga 31) verse 14c
vishvet sa dhIbhiH subhago janAnati dyumnairudna iva tAriSat ||\\
8.19 (varga 31) verse 15a
tadagne dyumnamA bhara yat sAsahat sadane kaM cidatriNam |\\
8.19 (varga 31) verse 15c
manyuM janasya dUDhyaH ||\\
8.19 (varga 32) verse 16a
yena caSTe varuNo mitro aryamA yena nAsatyA bhagaH |\\
8.19 (varga 32) verse 16c
vayaM tat te shavasA gAtuvittamA indratvotA vidhemahi ||\\
8.19 (varga 32) verse 17a
te ghedagne svAdhyo ye tvA vipra nidadhire nRcakSasam |\\
8.19 (varga 32) verse 17c
viprAso deva sukratum ||\\
8.19 (varga 32) verse 18a
ta id vediM subhaga ta AhutiM te sotuM cakrire divi |\\
8.19 (varga 32) verse 18c
taid vAjebhirjigyurmahad dhanaM ye tve kAmaM nyerire ||\\
8.19 (varga 32) verse 19a
bhadro no agnirAhuto bhadrA rAtiH subhaga bhadro adhvaraH |\\
8.19 (varga 32) verse 19c
bhadrA uta prashastayaH ||\\
8.19 (varga 32) verse 20a
bhadraM manaH kRNuSva vRtratUrye yenA samatsu sAsahaH |\\
8.19 (varga 32) verse 20c
ava sthirA tanuhi bhUri shardhatAM vanemA te abhiSTibhiH ||\\
8.19 (varga 33) verse 21a
ILe girA manurhitaM yaM devA dUtamaratiM nyerire |\\
8.19 (varga 33) verse 21c
yajiSThaM havyavAhanam ||\\
8.19 (varga 33) verse 22a
tigmajambhAya taruNAya rAjate prayo gAyasyagnaye |\\
8.19 (varga 33) verse 22c
yaH piMshate sUnRtAbhiH suvIryamagnirghRtebhirAhutaH ||\\
8.19 (varga 33) verse 23a
yadI ghRtebhirAhuto vAshImagnirbharata uccAva ca |\\
8.19 (varga 33) verse 23c
asura iva nirNijam ||\\
8.19 (varga 33) verse 24a
yo havyAnyairayatA manurhito deva AsA sugandhinA |\\
8.19 (varga 33) verse 24c
vivAsate vAryANi svadhvaro hotA devo amartyaH ||\\
8.19 (varga 33) verse 25a
yadagne martyastvaM syAmahaM mitramaho amartyaH |\\
8.19 (varga 33) verse 25c
sahasaH sUnavAhuta ||\\
8.19 (varga 34) verse 26a
na tvA rAsIyAbhishastaye vaso na pApatvAya santya |\\
8.19 (varga 34) verse 26c
na me stotAmatIvA na durhitaH syAdagne na pApayA ||\\
8.19 (varga 34) verse 27a
piturna putraH subhRto duroNa A devAnetu pra No haviH ||\\
8.19 (varga 34) verse 28a
tavAhamagna UtibhirnediSThAbhiH saceya joSamA vaso |\\
8.19 (varga 34) verse 28c
sadA devasya martyaH ||\\
8.19 (varga 34) verse 29a
tava kratvA saneyaM tava rAtibhiragne tava prashastibhiH |\\
8.19 (varga 34) verse 29c
tvAmidAhuH pramatiM vaso mamAgne harSasva dAtave ||\\
8.19 (varga 34) verse 30a
pra so agne tavotibhiH suvIrAbhistirate vAjabharmabhiH |\\
8.19 (varga 34) verse 30c
yasya tvaM sakhyamAvaraH ||\\
8.19 (varga 35) verse 31a
tava drapso nIlavAn vAsha Rtviya indhAnaH siSNavA dade |\\
8.19 (varga 35) verse 31c
tvaM mahInAmuSasAmasi priyaH kSapo vastuSu rAjasi ||\\
8.19 (varga 35) verse 32a
tamAganma sobharayaH sahasramuSkaM svabhiSTimavase |\\
8.19 (varga 35) verse 32c
samrAjaM trAsadasyavam ||\\
8.19 (varga 35) verse 33a
yasya te agne anye agnaya upakSito vayA iva |\\
8.19 (varga 35) verse 33c
vipo na dyumnA ni yuve janAnAM tava kSatrANi vardhayan ||\\
8.19 (varga 35) verse 34a
yamAdityAso adruhaH pAraM nayatha martyam |\\
8.19 (varga 35) verse 34c
maghonAM vishveSAM sudAnavaH ||\\
8.19 (varga 35) verse 35a
yUyaM rAjAnaH kaM ciccarSaNIsahaH kSayantaM mAnuSAnanu |\\
8.19 (varga 35) verse 35c
vayaM te vo varuNa mitrAryaman syAmed Rtasya rathyaH ||\\
8.19 (varga 35) verse 36a
adAn me paurukutsyaH pañcAshataM trasadasyurvadhUnAm |\\
8.19 (varga 35) verse 36c
maMhiSTho aryaH satpatiH ||\\
8.19 (varga 35) verse 37a
uta me prayiyorvayiyoH suvAstvA adhi tugvani |\\
8.19 (varga 35) verse 37c
tisR^INAMsaptatInAM shyAvaH praNetA bhuvad vasurdiyAnAM patiH ||\\
8.20 (varga 36) verse 1a
A gantA mA riSaNyata prasthAvAno mApa sthAtA samanyavaH |\\
8.20 (varga 36) verse 1c
sthirA cin namayiSNavaH ||\\
8.20 (varga 36) verse 2a
vILupavibhirmaruta RbhukSaNa A rudrAsaH sudItibhiH |\\
8.20 (varga 36) verse 2c
iSA no adyA gatA puruspRho yajñamA sobharIyavaH ||\\
8.20 (varga 36) verse 3a
vidmA hi rudriyANAM shuSmamugraM marutAM shimIvatAm |\\
8.20 (varga 36) verse 3c
viSNoreSasya mILhuSAm ||\\
8.20 (varga 36) verse 4a
vi dvIpAni pApatan tiSThad duchunobhe yujanta rodasI |\\
8.20 (varga 36) verse 4c
pra dhanvAnyairata shubhrakhAdayo yadejatha svabhAnavaH ||\\
8.20 (varga 36) verse 5a
acyutA cid vo ajmannA nAnadati parvatAso vanaspatiH |\\
8.20 (varga 36) verse 5c
bhUmiryAmeSu rejate ||\\
8.20 (varga 37) verse 6a
amAya vo maruto yAtave dyaurjihIta uttarA bRhat |\\
8.20 (varga 37) verse 6c
yatrA naro dedishate tanUSvA tvakSAMsi bAhvojasaH ||\\
8.20 (varga 37) verse 7a
svadhAmanu shriyaM naro mahi tveSA amavanto vRSapsavaH |\\
8.20 (varga 37) verse 7c
vahante ahrutapsavaH ||\\
8.20 (varga 37) verse 8a
gobhirvANo ajyate sobharINAM rathe koshe hiraNyaye |\\
8.20 (varga 37) verse 8c
gobandhavaH sujAtAsa iSe bhuje mahAnto naH sparase nu ||\\
8.20 (varga 37) verse 9a
prati vo vRSadañjayo vRSNe shardhAya mArutAya bharadhvam |\\
8.20 (varga 37) verse 9c
havyA vRSaprayAvNe ||\\
8.20 (varga 37) verse 10a
vRSaNashvena maruto vRSapsunA rathena vRSanAbhinA |\\
8.20 (varga 37) verse 10c
A shyenAso na pakSiNo vRthA naro havyA no vItaye gata ||\\
8.20 (varga 38) verse 11a
samAnamañjyeSAM vi bhrAjante rukmAso adhi bAhuSu |\\
8.20 (varga 38) verse 11c
davidyutaty RSTayaH ||\\
8.20 (varga 38) verse 12a
ta ugrAso vRSaNa ugrabAhavo nakiS TanUSu yetire |\\
8.20 (varga 38) verse 12c
sthirA dhanvAnyAyudhA ratheSu vo.anIkeSvadhi shriyaH ||\\
8.20 (varga 38) verse 13a
yeSAmarNo na sapratho nAma tveSaM shashvatAmekamidbhuje |\\
8.20 (varga 38) verse 13c
vayo na pitryaM sahaH ||\\
8.20 (varga 38) verse 14a
tAn vandasva marutastAnupa stuhi teSAM hi dhunInAm |\\
8.20 (varga 38) verse 14c
arANAM na caramastadeSAM dAnA mahnA tadeSAm ||\\
8.20 (varga 38) verse 15a
subhagaH sa va UtiSvAsa pUrvAsu maruto vyuSTiSu |\\
8.20 (varga 38) verse 15c
yovA nUnamutAsati ||\\
8.20 (varga 39) verse 16a
yasya vA yUyaM prati vAjino nara A havyA vItaye gatha |\\
8.20 (varga 39) verse 16c
abhi Sa dyumnairuta vAjasAtibhiH sumnA vo dhUtayo nashat ||\\
8.20 (varga 39) verse 17a
yathA rudrasya sUnavo divo vashantyasurasya vedhasaH |\\
8.20 (varga 39) verse 17c
yuvAnastathedasat ||\\
8.20 (varga 39) verse 18a
ye cArhanti marutaH sudAnavaH sman mILhuSashcaranti ye |\\
8.20 (varga 39) verse 18c
atashcidA na upa vasyasA hRdA yuvAna A vavRdhvam ||\\
8.20 (varga 39) verse 19a
yUna U Su naviSThayA vRSNaH pAvakAnabhi sobhare girA |\\
8.20 (varga 39) verse 19c
gAya gA iva carkRSat ||\\
8.20 (varga 39) verse 20a
sAhA ye santi muSTiheva havyo vishvAsu pRtsu hotRSu |\\
8.20 (varga 39) verse 20c
vRSNashcandrAn na sushravastamAn girA vandasva maruto aha ||\\
8.20 (varga 40) verse 21a
gAvashcid ghA samanyavaH sajAtyena marutaH sabandhavaH |\\
8.20 (varga 40) verse 21c
rihate kakubho mithaH ||\\
8.20 (varga 40) verse 22a
martashcid vo nRtavo rukmavakSasa upa bhrAtRtvamAyati |\\
8.20 (varga 40) verse 22c
adhino gAta marutaH sadA hi va Apitvamasti nidhruvi ||\\
8.20 (varga 40) verse 23a
maruto mArutasya na A bheSajasya vahatA sudAnavaH |\\
8.20 (varga 40) verse 23c
yUyaMsakhAyaH saptayaH ||\\
8.20 (varga 40) verse 24a
yAbhiH sindhumavatha yAbhistUrvatha yAbhirdashasyathAkrivim |\\
8.20 (varga 40) verse 24c
mayo no bhUtotibhirmayobhuvaH shivAbhirasacadviSaH ||\\
8.20 (varga 40) verse 25a
yat sindhau yadasiknyAM yat samudreSu marutaH subarhiSaH |\\
8.20 (varga 40) verse 25c
yat parvateSu bheSajam ||\\
8.20 (varga 40) verse 26a
vishvaM pashyanto bibhRthA tanUSvA tenA no adhi vocata |\\
8.20 (varga 40) verse 26c
kSamA rapo maruta Aturasya na iSkartA vihrutaM punaH ||\\